ബെംഗളൂരു: കര്‍ണാടകയില്‍ 6835 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് രോഗം ബാധിച്ചവരുടെ എണ്ണം 27,71,969 ആയി. ഇതില്‍ 25,66,774 പേര്‍ രോഗമുക്തി നേടിയിട്ടുണ്ട്. കഴിഞ്ഞ 24 മണിക്കൂറിനിടെ 15,409 പേര്‍ രോഗമുക്തി നേടി.
120 മരണം കൂടി കൊവിഡ് മൂലമെന്ന് സ്ഥിരീകരിച്ചു. ആകെ 33,033 കൊവിഡ് മരണങ്ങളാണ് സംസ്ഥാനത്ത് റിപ്പോര്‍ട്ട് ചെയ്‌തിരിക്കുന്നത്. നിലവില്‍ 1,72,141 പേരാണ് ചികിത്സയിലുള്ളത്. ടെസ്റ്റ് പോസിറ്റിവിറ്റി നിരക്ക് 4.56 ശതമാനവും മരണനിരക്ക് 1.75 ശതമാനവുമാണ്.
ALSO READ: നോവവാക്‌സ് വാക്സിൻ 90 ശതമാനം ഫലപ്രദം; സിറം ഇൻസ്റ്റിറ്റ്യൂട്ടും നിർമിക്കും
കഴിഞ്ഞ 24 മണിക്കൂറിനിടെ ബെംഗളൂരുവില്‍ മാത്രം റിപ്പോര്‍ട്ട് ചെയ്തത് 1470 കേസുകളും 12 മരണവുമാണ്. ജൂണ്‍ ഒന്നിന് ബെംഗളൂരുവില്‍ 276 പേരാണ് കൊവിഡ് ബാധിച്ച് മരിച്ചത്. സംസ്ഥാനത്ത് ആകെ 1.71 കോടി പേര്‍ വാക്സിൻ സ്വീകരിച്ചതായും ആരോഗ്യവകുപ്പ് അറിയിച്ചു.
