ജൗൻപൂർ: ഉത്തർപ്രദേശിൽ ആറാം ഘട്ട വോട്ടെടുപ്പ് വ്യാഴാഴ്‌ച നടക്കാനിരിക്കെ പ്രചാരണത്തിൽ മുഖ്യമന്ത്രി യോഗി ആദിത്യനാഥിനെതിരെ രൂക്ഷവിമർശനവുമായി സിനിമ താരം ജയ ബച്ചൻ. യുപിയിൽ സമാജ്‌വാദി പാർട്ടിയുടെ 'സ്റ്റാർ' പ്രചാരകയാണ് ജയ ബച്ചൻ.
യോഗിജീ... നിങ്ങൾ ഈ ജോലി അവസാനിപ്പിച്ച് ആശ്രമത്തിലേക്ക് തിരിച്ചുപോയി മെഡിറ്റേഷൻ ചെയ്യണം. ഇത് നിങ്ങൾക്ക് പറ്റിയ ജോലിയല്ല. എന്തിനാണ് നിങ്ങൾ ലൗകിക സുഖങ്ങൾ ഉപേക്ഷിച്ചതായി നടിക്കുന്നത്? ഈ ഭാവം ഇനി ഇവിടെ പ്രവർത്തിക്കില്ല. ഇന്നത്തെ യുവാക്കൾ ഈ നടനത്തെ ഇനി സഹിക്കില്ലെന്നും ജയ ബച്ചൻ ആരോപിച്ചു.
സ്‌ത്രീകളുടെ സുരക്ഷ മാത്രമല്ല, അവരുടെ പ്രശ്‌നങ്ങളെപ്പറ്റി അദ്ദേഹം എന്തു മനസിലാക്കാനാണ്. അദ്ദേഹത്തിന് കുടുംബത്തെപ്പറ്റി എന്താണ് അറിയുന്നത്. അദ്ദേഹം സ്വയം കുടുംബം ഉപേക്ഷിച്ചയാളാണെന്നും ജയ ബച്ചൻ വിമർശനം ഉന്നയിച്ചു. ജൗൻപൂരിൽ തെരഞ്ഞെടുപ്പ് പ്രചാരണത്തിന് എത്തിയപ്പോഴായിരുന്നു രാജ്യസഭ എംപി കൂടിയായ ജയാ ബച്ചന്‍റെ വിമർശനം.
READ MORE: UP Election: അഞ്ചാം ഘട്ട വോട്ടെടുപ്പ്; ഉത്തര്‍പ്രദേശിൽ മികച്ച പോളിങ്
