കിംഗ് ഖാന്‍ ഷാരൂഖ് ഖാനും (Shah Rukh Khan) ലേഡി സൂപ്പര്‍സ്‌റ്റാര്‍ നയന്‍താരയും (Nayanthara) കേന്ദ്രകഥാപാത്രങ്ങളില്‍ എത്തിയ അറ്റ്‌ലി കുമാര്‍ (Atlee Kumar) ചിത്രം ജവാന്‍ ബോക്‌സോഫിസില്‍ നാലാം ദിനവും അവിശ്വസനീയമായ നേട്ടം കൈവരിച്ചിരിക്കുകയാണ്. ബോളിവുഡ് സിനിമ ചരിത്രത്തില്‍ ഏറ്റവും ഉയർന്ന ഒറ്റ ദിവസത്തെ കലക്ഷന്‍ എന്ന റെക്കോഡും 'ജവാന്‍' അതിന്‍റെ നാലാം ദിനത്തില്‍ സ്വന്തമാക്കി.
നാലാം ദിനത്തില്‍ എല്ലാ ഭാഷകളിലുമായി ജവാന്‍ ഇന്ത്യയില്‍ നിന്നും 80 കോടിയിലധികം രൂപയാണ് കലക്‌ട്‌ ചെയ്‌തത്. ജവാന്‍ അഞ്ചാം ദിവസം 300 കോടി ക്ലബില്‍ ഇടംപിടിക്കുമെന്നാണ് റിപ്പോര്‍ട്ടുകള്‍.
സെപ്‌റ്റംബര്‍ 7ന് തിയേറ്ററുകളില്‍ എത്തിയ 'ജവാന്‍' നാലാം ദിവത്തില്‍ 80.5 കോടി രൂപയുടെ കലക്ഷൻ നേടിയ ശേഷം, ചിത്രം അഞ്ചാം ദിനത്തില്‍ വെറും 30 കോടി രൂപ നേടിയേക്കാം എന്നാണ് ട്രേഡ് അനലിസ്‌റ്റുകളുടെ കണക്കുക്കൂട്ടല്‍. ഷാരൂഖ് ഖാന്‍റെ ആക്ഷൻ ത്രില്ലർ പ്രദര്‍ശന ദിനത്തില്‍ 75 കോടി രൂപയുടെ കലക്ഷനാണ് നേടിയത്. ഒരു ബോളിവുഡ് സിനിമയുടെ എക്കാലത്തെയും ഉയർന്ന ഓപ്പണിങ് കലക്ഷനാണിത്.
പ്രദര്‍ശനത്തിന്‍റെ രണ്ടാം ദിനത്തില്‍ 53.23 കോടി രൂപയും, മൂന്നാം ദിവത്തില്‍ 77.83 കോടി രൂപയും, നാലാം ദിനത്തില്‍ 80.5 കോടി രൂപയും നേടി കിംഗ് ഖാൻ ചിത്രം ബോളിവുഡില്‍ ആധിപത്യം പുലര്‍ത്തുന്നു. കണക്കുക്കൂട്ടലുകള്‍ പ്രകാരം അഞ്ചാം ദിവസം ചിത്രം 30 കോടി രൂപ നേടിയാല്‍, ഇന്ത്യന്‍ ബോക്സ് ഓഫീസില്‍ 'ജവാന്‍' അഞ്ചാം ദിനത്തില്‍ 316.56 കോടി രൂപ നേടിയേക്കും. ഇതോടെ 'പഠാനും', 'ഗദര്‍ 2'നും ശേഷം 2023ൽ 300 കോടി കടക്കുന്ന മൂന്നാമത്തെ ബോളിവുഡ് ചിത്രമായി 'ജവാൻ' മാറും.
- " class="align-text-top noRightClick twitterSection" data="">
ഷാരൂഖ് ഖാന്‍റെയും ഗൗരി ഖാന്‍റെയും (Gauri Khan) ഉടമസ്ഥതയിലുള്ള റെഡ് ചില്ലീസ് എന്‍റര്‍ടെയിന്‍മെന്‍റ് (Red Chillies Entertainment) നിര്‍മിച്ച 'ജവാൻ' ഷാരൂഖിന്‍റെയും അറ്റ്‌ലിയുടെയും ആദ്യ സഹകരണമാണ്. ഷാരൂഖ് ഖാന്‍റെയും അറ്റ്‌ലിയുടെയും ആദ്യ സഹകരണം തന്നെ ബ്ലോക്ക്‌ബസ്‌റ്റര്‍ ആണെന്ന് ചുരുങ്ങിയ ദിനം കൊണ്ട് തെളിയിച്ചിരിക്കുകയാണ്.
മുന്‍നിര തെന്നിന്ത്യന്‍ താരം വിജയ് സേതുപതിയും 'ജവാനി'ല്‍ പ്രധാന വേഷത്തില്‍ എത്തിയിരുന്നു. അറ്റ്‌ലിയെ കൂടാതെ നയൻതാരയുമായും, വിജയ് സേതുപതിയുമായുള്ള ഷാരൂഖ് ഖാന്‍റെ ആദ്യ സഹകരണം കൂടിയാണ് 'ജവാന്‍'. സന്യ മൽഹോത്ര, റിദ്ധി ദോഗ്ര, പ്രിയാമണി, സുനിൽ ഗ്രോവർ, യോഗി ബാബു എന്നിവരും ചിത്രത്തില്‍ അണിനിരന്നു. ദീപിക പദുക്കോൺ ജവാനില്‍ അതിഥി വേഷത്തിലും എത്തിയിരുന്നു.
Also Read: Shah Rukh Khan Jawan Ott Release കിങ് ഖാന്‍റെ ജവാന്‍ ഒടിടിയില്‍ എന്നെത്തും?
