ന്യൂഡല്‍ഹി: രാജ്യത്ത് ചികിത്സയിലുള്ളത് 4,95,533 കൊവിഡ് രോഗികള്‍. 97 ദിവസത്തിന് ശേഷമാണ് ചികിത്സയിലുള്ളവരുടെ എണ്ണം 5 ലക്ഷത്തില്‍ താഴെയെത്തുന്നത്. കഴിഞ്ഞ 24 മണിക്കൂറിനിടെ രോഗം ബാധിച്ചത് 44,111 പേര്‍ക്കാണ്. രാജ്യത്തെ രോഗമുക്തി നിരക്ക്‌ 97.06 ശതമാനമായി ഉയര്‍ന്നു.
ആകെ കൊവിഡ് ബാധിച്ചവരുടെ എണ്ണം 3,05,02,362 ആയി. 57,477 പേര്‍ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 2,96,05,779 ആയി ഉയര്‍ന്നു. തുടർച്ചയായ 51ാം ദിവസവും രോഗമുക്തരായവരുടെ എണ്ണം കൊവിഡ് രോഗികളേക്കാൾ കൂടുതലാണ് റിപ്പോർട്ട് ചെയ്യുന്നത്.
738 മരണമാണ് കൊവിഡ് മൂലമെന്ന് സ്ഥിരീകരിച്ചത്. ആകെ മരണസംഖ്യ 4,01,050 ആയി. ഐസിഎംആറിന്‍റെ കണക്കനുസരിച്ച് 41,64,16,463 സാമ്പിളുകൾ ഇതുവരെ കൊവിഡ് പരിശോധന നടത്തിയിട്ടുണ്ട്. കഴിഞ്ഞ ദിവസം മാത്രം 18,76,036 സാമ്പിളുകളാണ് പരിശോധിച്ചത്. രാജ്യത്ത് ഇതുവരെ 34,46,11,291 ആളുകൾ വാക്‌സിൻ എടുത്തിട്ടുണ്ട്.
