ന്യൂഡൽഹി : രാജ്യത്ത് തിങ്കളാഴ്ച വിതരണം ചെയ്തത് 80 ലക്ഷത്തിലധികം കൊവിഡ് വാക്സിൻ ഡോസുകൾ. ലോകത്ത് ഒരു ദിവസത്തിനുള്ളില്‍ ഏറ്റവും ഉയർന്ന അളവില്‍ വാക്സിന്‍ വിതരണം ചെയ്ത രാജ്യമെന്ന നേട്ടം ഇതോടെ ഇന്ത്യ കൈവരിച്ചു. ഇസ്രയേല്‍, ന്യൂസിലാന്‍ഡ് എന്നിവിടങ്ങളിലെ ജനസംഖ്യയുടെ ഇരട്ടിയാണിത്.
ALSO READ: വിജയ്‌ക്കും ആരാധകർക്കും പിറന്നാൾ സമ്മാനം; ദളപതി 65ന്‍റെ ഫസ്റ്റ് ലുക്ക് പുറത്ത്
കൊവിഡ് വാക്സിനേഷനിലെ ഈ നേട്ടം സന്തോഷം നല്‍കുന്നതാണെന്ന് പ്രധാനമന്ത്രി നരേന്ദ്രമോദി ട്വീറ്റ് ചെയ്തു. കൊവിഡിനെ നേരിടാനുള്ള ഏറ്റവും ശക്തമായ ആയുധമായി ഈ വാക്സിന്‍ കുത്തിവയ്പ്പ് മാറി.
പൗരന്മാർക്ക് വാക്സിൻ ലഭിച്ചെന്ന് ഉറപ്പാക്കാൻ കഠിനമായി പരിശ്രമിക്കുന്ന മുൻനിര പോരാളികള്‍ക്ക് നന്ദിയറിയിക്കുന്നതായും പ്രധാനമന്ത്രി നരേന്ദ്ര മോദി ട്വീറ്റ് ചെയ്തു.
