ന്യൂഡൽഹി : കൊവിഡ് പ്രതിരോധ രംഗത്ത് സജീവമായ ഡോക്ടര്‍മാരുടെ സേവനത്തെ പ്രശംസിച്ച പ്രധാനമന്ത്രി നരേന്ദ്ര മോദിയ്ക്ക് നന്ദിയറിയിച്ച് ഐ.എം.എ ദേശീയ അധ്യക്ഷന്‍ ഡോ. ജെ.എ ജയലാൽ. മഹാമാരിയുടെ പശ്ചാത്തലത്തില്‍, ജൂലൈ ഒന്നിന് ഡോക്‌ടര്‍ ദിനം വരാനിരിക്കെയാണ് മോദിയുടെ പ്രശംസ.
ഡോക്ടർമാരെ ബഹുമാനിക്കുകയും സംരക്ഷിക്കുകയും ചെയ്യണമെന്ന് പ്രധാനമന്ത്രി ഞായറാഴ്ചത്തെ മന്‍ കി ബാത്തില്‍ രാജ്യത്തോട് ആഹ്വാനം ചെയ്തിരുന്നു. ഇതുസംബന്ധിച്ചുള്ള സന്തോഷം മാധ്യമങ്ങളോട് പങ്കുവയ്ക്കവെയാണ് ഐ.എം.എ അധ്യക്ഷന്‍ ഇക്കാര്യം പറഞ്ഞത്.
ALSO READ: ജമ്മുവിലെ ഇരട്ട സ്ഫോടനം : സമഗ്രാന്വേഷണം ആരംഭിച്ച് പൊലീസ്
പ്രതിരോധ കുത്തിവയ്പ്പിന്‍റെ ആവശ്യകതയും പ്രധാനമന്ത്രി ഊന്നിപ്പറഞ്ഞിരുന്നു. ഡോ. ബി.സി റോയിയെ അനുസ്മരിച്ചാണ് ഈ വർഷത്തെ ദേശീയ ഡോക്‌ടര്‍ ദിനം ആചരിക്കുന്നത്. ഈ അവസരത്തില്‍ പ്രധാനമന്ത്രിയുടെ വാക്കുകള്‍ സ്വീകരിക്കുന്നതായി ജെ.എ ജയലാൽ പറഞ്ഞു.
