ചെന്നൈ: പാക് കടലിടുക്കിൽ 30 കിലോമീറ്റർ 13 മണിക്കൂർ 40 മിനിറ്റുകൊണ്ട് നീന്തി പൂർത്തിയാക്കി റെക്കോഡിട്ട് ഹൈദരാബാദ് സ്വദേശിനി. 48കാരിയായ ശ്യാമള ഗോലിയാണ് റെക്കോഡിന് ഉടമയായത്. ശ്രീലങ്കൻ ഭാഗമായ തലൈമന്നർ മുതൽ തമിഴ്‌നാട്ടിലെ ധനുഷ്കോടി വരെയാണ് ശ്യാമള നീന്തിയത്. തലൈമന്നറിൽ നിന്ന് പുലർച്ചെ 4:10ന് നീന്തൽ ആരംഭിച്ച ശ്യാമള വൈകുന്നേരം 5:50നാണ് ധനുഷ്കോടിയിലെ അരിചൽ മുനായ് ബീച്ചിൽ എത്തിയത്.
പാക് കടലിടുക്ക് നീന്തിക്കടന്ന ആദ്യ ഇന്ത്യൻ വനിതയായി ശ്യാമള
പാക് കടലിടുക്കിൽ നീന്തി റെക്കോഡിടുന്ന ഇന്ത്യൻ ആദ്യത്തെ വനിതയും ലോകത്തിലെ രണ്ടാമത്തെ വനിതയുമാണ് ശ്യാമള. ഇതുവരെ 13 പേരാണ് പാക് കടലിടുക്കിലൂടെ നീന്തിക്കയറിയിട്ടുള്ളത്.
