ഗുജറാത്തില്‍ കാറും ട്രക്കും കൂട്ടിയിടിച്ച് 10 മരണം

കാറിലുണ്ടായിരുന്ന 10 പേരും സംഭവസ്ഥലത്ത് വച്ച് തന്നെ മരിച്ചു.

ഗാന്ധിനഗർ: ഗുജറാത്തില്‍ കാറും ട്രക്കും കൂട്ടിയിടിച്ച് 10 പേര്‍ മരിച്ചു. ആനന്ദ് ജില്ലയിലെ ഇന്ദ്രനാജിന് സമീപം ബുധനാഴ്ച രാവിലെയാണ് അപകടം നടന്നത്.

അഹമ്മദാബാദിലെ വതമനിലേക്ക് പോകുകയായിരുന്ന കാര്‍ എതിർദിശയിൽ നിന്ന് വന്ന ട്രക്കുമായി കൂട്ടിയിടിക്കുകയായിരുന്നു. കുട്ടിയടക്കം കാറിലുണ്ടായിരുന്ന 10 പേരും സംഭവസ്ഥലത്ത് വച്ച് തന്നെ മരിച്ചു. മൃതദേഹങ്ങൾ പുറത്തെടുക്കാനും മരിച്ചയാളുകളെ തിരിച്ചറിയാനുമുള്ള ശ്രമം തുടരുകയാണെന്ന് പൊലീസ് പറഞ്ഞു.