ന്യൂഡൽഹി: നടപ്പ് സാമ്പത്തിക വർഷത്തെ കേന്ദ്ര ബജറ്റ് ധനമന്ത്രി നിർമ്മല സീതാരാമൻ ഇന്ന് ലോക്‌സഭയിൽ അവതരിപ്പിക്കും. രാവിലെ 11 മണിക്കാണ് ബജറ്റ് അവതരണം. ഇക്കുറിയും സമ്പൂർണ ഡിജിറ്റൽ ബജറ്റാണ് പുറത്തിറക്കുക. തുടർച്ചയായി നാലാം വർഷമാണ് നിർമല സീതാരാമൻ ബജറ്റ് അവതരിപ്പിക്കുന്നത്.
കൊവിഡ് തളർത്തിയ സാമ്പത്തിക രംഗത്തെ ഉത്തേജിപ്പിക്കുന്ന പ്രഖ്യാപനങ്ങള്‍ ബജറ്റില്‍ ഉണ്ടാകുമെന്നാണ് പ്രതീക്ഷ. അഞ്ച് സംസ്ഥാനങ്ങളുടെ തെരഞ്ഞെടുപ്പ് മുന്നിൽ കണ്ടുള്ള ജനപ്രീയ പ്രഖ്യാപനങ്ങളും ഉണ്ടായേക്കും. ആദായ നികുതി സ്ലാബുകളില്‍ ഇളവുകള്‍ പ്രഖ്യാപിക്കുമോ എന്നതും രാജ്യത്തെ വലിയൊരു വിഭാഗം ഉറ്റു നോക്കുന്നു.
കർഷക രോഷം ഇരമ്പിയ രാജ്യത്ത് മേഖലയ്ക്ക് വലിയ പരിഗണന ലഭിക്കുമെന്നാണ് വിലയിരുത്തൽ. തെരഞ്ഞെടുപ്പ് നടക്കുന്ന് യുപി, പഞ്ചാബ് സംസ്ഥാനങ്ങളിൽ കർഷകർക്ക് വലിയ പ്രാധാന്യം ഉള്ളതിനാൽ കാർഷിക കേന്ദ്രീകൃത ബജറ്റാകുമെന്നും വിലയിരുത്തപ്പെടുന്നു. ആരോഗ്യമേഖലയും അടിസ്ഥാന സൗകര്യവികസന രംഗവുമാണ് ബജറ്റ് പ്രഖ്യാപനത്തിൽ പ്രതീക്ഷയർപ്പിക്കുന്ന മറ്റ് പ്രധാന മേഖലകൾ.
ക്രിപ്‌റ്റോകറന്‍സി ബില്ലാണ് മറ്റൊരു ശ്രദ്ധേയമായ വിഷയം.
ALSO READ കര്‍ഷകരുടെ രോഷം തണുപ്പിക്കാൻ ബജറ്റിനാവുമോ… പ്രതീക്ഷയോടെ രാജ്യം
