electric mosquito repellent fire smoke death | കൊതുകു നശീകരണ ഉപകരണം പൊട്ടിത്തെറിച്ചു ; പുക ശ്വസിച്ച് ഒരു കുടുംബത്തിലെ 4 പേർ മരിച്ചു

smoke suffocation family members died Tamilnadu അർധരാത്രിയിൽ വൈദ്യുതിയിൽ ഉപയോഗിക്കുന്ന കൊതുക് നശീകരണ ഉപകരണത്തിന് തീപിടിച്ചുണ്ടായ പുക ശ്വസിച്ച് ഒരു കുടുംബത്തിലെ നാല് പേർ മരിച്ചു

ചെന്നൈ : തമിഴ്‌നാട്ടിൽ (Tamilnadu) വൈദ്യുതിയിൽ ഉപയോഗിക്കുന്ന കൊതുകു നശീകരണ ഉപകരണം (electric mosquito repellent) പൊട്ടിത്തെറിച്ചുണ്ടായ പുക ശ്വസിച്ച് (smoke suffocation) വയോധിക ഉൾപ്പടെ നാല് പേർ മരിച്ചു. മതുർ മണാലി റോഡിലെ 79-ാം നമ്പർ ക്രോസ് സ്‌ട്രീറ്റിൽ ഇന്നലെ അർധരാത്രിയാണ് സംഭവം. ഉദയാർ - സെൽവി ദമ്പതികളുടെ മക്കളായ സന്ധ്യ (10), പ്രിയ ലക്ഷ്‌മി (എട്ട്) സെൽവിയുെട സഹോദരി പുത്രി പവിത്ര (ഏഴ്) ഇവരുടെ മുത്തശ്ശി സന്താന ലക്ഷ്‌മി (67) എന്നിവരാണ് അപകടത്തിൽ മരിച്ചത്.

സ്വകാര്യ ഫുഡ് ഡെലിവറി കമ്പനിയിൽ ജോലിക്കാരനായ ഉദയാർ 10 ദിവസം മുൻപുണ്ടായ വാഹനാപകടത്തെ തുടർന്ന് ആശുപത്രിയിൽ ചികിത്സയിലായിരുന്നു. സെൽവിയും ഇയാളെ പരിചരിച്ച് ആശുപത്രിയിലായിരുന്നു. അപകടം നടന്ന ഇന്നലെ രാത്രി മൂന്ന് പെൺകുട്ടികളും മുത്തശ്ശിക്കൊപ്പമാണ് ഉറങ്ങിയത്.

ശ്വാസതടസം മൂലം മരണം (Death Due to Suffocation) : അർധരാത്രിയിൽ കൊതുകിനെ കൊല്ലുന്നതിന് ഉപയോഗിക്കുന്ന വൈദ്യുതോപകരണത്തിന് തീപിടിക്കുകയും അതിൽ നിന്നും വീടിനുള്ളിൽ പുക പടരുകയുമായിരുന്നു. പെട്ടെന്ന് തന്നെ വീടിനുള്ളിൽ പൂർണമായും പുക നിറഞ്ഞതോടെ ഉറക്കത്തിലായിരുന്ന നാല് പേരും ശ്വാസതടസം മൂലം മരണപ്പെടുകയാണുണ്ടായത്.

ഇന്ന് രാവിലെ ഏറെ വൈകിയിട്ടും കുട്ടികൾ വാതിൽ തുറക്കാത്തിനെ തുടർന്ന് സമീപത്തെ വീട്ടിൽ താമസിക്കുന്ന സെൽവിയുടെ സഹോദരി വേലമ്മാൾ വീട്ടിലെത്തി വാതിൽ തട്ടിനോക്കി. എന്നാൽ ആരും മറുപടി നൽകാതെ വന്നതോടെ സംശയം തോന്നി അവർ ജനലിലൂടെ നോക്കിയപ്പോഴാണ് വീടിനകത്ത് പുക നിറഞ്ഞതായും കുട്ടികൾ അബോധാവസ്ഥയിൽ കിടക്കുന്നതായും കണ്ടത്. ഉറക്കെയുള്ള ഇവരുടെ നിലവിളി കേട്ട് അയൽവാസികൾ ഓടിയെത്തി വാതിൽ പൊളിച്ച് അകത്ത് കടന്നെങ്കിലും നാല് പേരും മരിച്ചതായി കണ്ടെത്തി. പൊലീസെത്തിയാണ് മൃതദേഹങ്ങൾ പോസ്‌റ്റ്‌മോർട്ടത്തിന് അയച്ചത്.

Aslo Read : Rajasthan| വാഹനാപകടത്തിൽ കൊല്ലപ്പെട്ടത് ഒരു കുടുംബത്തിലെ ഏഴ് പേർ; അപകടം വാനും ബസും കൂട്ടിയിടിച്ച്

ലോറി അപകടം (Lorry Accident) : ഇക്കഴിഞ്ഞ ആഗസ്‌റ്റ് 12 ന് ചെങ്കൽപെട്ടിൽ നിയന്ത്രണം വിട്ട ലോറി ഇരുചക്രവാഹനങ്ങളിൽ ഇടിച്ചുകയറി നാല് പേര്‍ മരണപ്പെട്ടിരുന്നു. പോത്തേരിക്ക് സമീപം ദേശീയ പാതയിൽ രാവിലെ ഒമ്പത് മണിയോടെയാണ് അപകടം ഉണ്ടായത്. അമിത വേഗതയിലെത്തിയ ലോറി നിയന്ത്രണം നഷ്‌ടപ്പെട്ട് മൂന്ന് ഇരുചക്രവാഹനങ്ങളിൽ ഇടിച്ചതായാണ് വിവരം. അപകടത്തിൽ ഇരുചക്രവാഹന യാത്രികരായ നാല് പേർക്കാണ് ജീവൻ നഷ്‌ടപ്പെട്ടത്.