മുംബൈ: രാഷ്ട്രീയ അനിശ്ചിതത്വങ്ങൾക്ക് വിരാമമിട്ട് മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്‌ത് വിമത ശിവസേന നേതാവ് ഏക്‌നാഥ് ഷിൻഡെ. ഏഴരയോടെ ദർബാർ ഹാളിൽ നടന്ന ചടങ്ങിലാണ് മുഖ്യമന്ത്രിയായി സത്യപ്രതിജ്ഞ ചെയ്‌ത് ഏക്‌നാഥ് ഷിൻഡെ അധികാരമേറ്റത്. രാജ്ഭവനിൽ നടന്ന ചടങ്ങിൽ ഗവർണർ ഭഗത് സിങ് കോഷിയാരി സത്യവാചകം ചൊല്ലികൊടുത്തു.
മഹാരാഷ്‌ട്രയുടെ 20-ാമത് മുഖ്യമന്ത്രിയാണ് ഷിൻഡെ. ഉദ്ദവ് താക്കറെ സർക്കാരിനെ മറിച്ചിട്ട ശിവസേനയിലെ വിമത നീക്കങ്ങൾക്ക് മുന്നിൽ നിന്നത് ഷിൻഡെ ആയിരുന്നു. 2004, 2009, 2014, 2019 വര്‍ഷങ്ങളില്‍ നാല് തവണ നിയമസഭയിലേക്ക് തെരഞ്ഞെടുക്കപ്പെട്ടിരുന്നു. 2014ല്‍ മഹാരാഷ്ട്ര നിയമസഭയിലെ പ്രതിപക്ഷ നേതാവായി തെരഞ്ഞെടുക്കപ്പെട്ടു. താനെ മുനിസിപ്പല്‍ കോര്‍പ്പറേഷനില്‍ രണ്ട് തവണ അംഗമായിരുന്നു. താനെയിലെ കോപ്രി - പച്ച്പഖാഡി മണ്ഡലത്തില്‍ നിന്നുള്ള എംഎൽഎയായ ഷിൻഡെ ഉദ്ദവ് താക്കറെയുടെ നേതൃത്വത്തിലുള്ള മഹാ വികാസ് അഘാഡി സര്‍ക്കാരില്‍ നഗരവികസന വകുപ്പ് മന്ത്രിയായിരുന്നു.
-
#WATCH | Mumbai: Eknath Shinde takes oath as the Chief Minister of #Maharashtra pic.twitter.com/y6pJs1YeyY
— ANI (@ANI) June 30, 2022 " class="align-text-top noRightClick twitterSection" data="
">#WATCH | Mumbai: Eknath Shinde takes oath as the Chief Minister of #Maharashtra pic.twitter.com/y6pJs1YeyY
— ANI (@ANI) June 30, 2022#WATCH | Mumbai: Eknath Shinde takes oath as the Chief Minister of #Maharashtra pic.twitter.com/y6pJs1YeyY
— ANI (@ANI) June 30, 2022
ഉപമുഖ്യമന്ത്രിയായി ബിജെപി നേതാവ് ദേവേന്ദ്ര ഫഡ്‌നാവിസും സത്യപ്രതിജ്ഞ ചെയ്‌തു. മന്ത്രിസഭയിൽ നിന്ന് വിട്ടുനിൽക്കുമെന്ന് ഫഡ്‌നാവിസ് ആദ്യം പ്രഖ്യാപിച്ചുവെങ്കിലും കേന്ദ്ര നേതൃത്വത്തിന്‍റെ നിർദേശപ്രകാരം ഉപമുഖ്യമന്ത്രി സ്ഥാനം ഏറ്റെടുക്കുകയായിരുന്നു. രണ്ട് തവണ മഹാരാഷ്ട്ര മുഖ്യമന്ത്രിയായ നേതാവാണ് ദേവേന്ദ്ര ഫഡ്‌നാവിസ്.
ദേവേന്ദ്ര ഫഡ്‌നാവിസ് മുഖ്യമന്ത്രിയാകുമെന്ന് ആയിരുന്നു അവസാനം വരെയുള്ള സൂചന. എന്നാൽ ഗവർണറുമായുള്ള കൂടിക്കാഴ്‌ചയ്ക്ക് ശേഷം അപ്രതീക്ഷിത പ്രഖ്യാപനം ഉണ്ടാകുകയായിരുന്നു.
