അനധികൃത ഖനി കേസ്: സോറന്‍ ഈമാസം 16നും 20നും ഇടയില്‍ ഹാജരാകണമെന്ന് ഇഡി

Soren should face Ed between 16-20: ജാര്‍ഖണ്ഡ് മുഖ്യമന്ത്രി ഹേമന്ത് സോറന് എട്ടാംവട്ടവും നോട്ടിസയച്ച് ഇഡി. ഈ മാസം 16നും 20നുമിടയില്‍ ഹാജരാകണമെന്നാണ് നിര്‍ദേശം.

റാഞ്ചി : ജാര്‍ഖണ്ഡ് മുഖ്യമന്ത്രി ഹേമന്ത് സോറനോട് ഹാജരാകാന്‍ ആവശ്യപ്പെട്ട് വീണ്ടും എന്‍ഫോഴ്‌സ്‌മെന്‍റ് ഡയറക്ടറേറ്റ്. അനധികൃത ഖനന കേസില്‍ ഈ മാസം 16നും 20നും ഇടയില്‍ ഹാജരാകണമെന്നാണ് നിര്‍ദേശം (Illegal mining case against Soren). ഇതുവരെ ഇത് എട്ടാം തവണയാണ് ഇഡി സോറന് ഹാജരാകാന്‍ നോട്ടിസ് നല്‍കുന്നത്.

ഡിസംബറില്‍ ഭൂമി ഇടപാടുമായി ബന്ധപ്പെട്ട കള്ളപ്പണക്കേസില്‍ ഹാജരാകാനായിരുന്നു നിര്‍ദേശം. പണം വെളുപ്പില്‍ കേസുമായി ബന്ധപ്പെട്ട മൊഴി രേഖപ്പെടുത്താന്‍ ഇഡി ഓഫിസില്‍ ഹാജരാകണമെന്നാണ് ആവശ്യപ്പെട്ടിട്ടുള്ളത്. ജാര്‍ഖണ്ഡില്‍ ഭൂമി ഉടമസ്ഥത അനധികൃതമായി മാറ്റുന്നതിനായി വലിയ മാഫിയ പ്രവര്‍ത്തിക്കുന്നുണ്ടെന്നും ഇഡി കുറ്റപ്പെടുത്തുന്നു (Soren asked to face ED between January 16-20).

ഇന്നലെ സോറന് വീണ്ടും നോട്ടിസ് അയക്കുന്നതിന് തൊട്ടുമുമ്പ് അദ്ദേഹത്തിന്‍റെ മാധ്യമ ഉപദേഷ്‌ടകന്‍ അഭിഷേക് പ്രസാദിന്‍റെ വസതിയില്‍ തെരച്ചില്‍ നടത്തിയിരുന്നു. ഇതിന് പുറമെ സര്‍ഹെബ് ഗഞ്ചിലെ ഡെപ്യൂട്ടി കമ്മിഷണറുടെ വസതിയിലടക്കം മറ്റ് പതിനൊന്ന് ഇടങ്ങളിലും ഇഡി റെയ്‌ഡ് നടത്തി (ED sent Eighth notice to Hemant Soren).

കേസുമായി ബന്ധപ്പെട്ട് പതിനാല് പേരെ ജാര്‍ഖണ്ഡില്‍ നിന്ന് അറസ്റ്റ് ചെയ്‌തിട്ടുണ്ട്. 2011 ബാച്ച് ഐഎഎസ് ഉദ്യോഗസ്ഥനായ ഛവി രഞ്ജന്‍ ആണ് ഇതില്‍ പ്രധാനി. റാഞ്ചിയിലെ ഡെപ്യൂട്ടി കമ്മിഷണറും സംസ്ഥാന സാമൂഹ്യ ക്ഷേമ വകുപ്പ് മേധാവിയുമായി പ്രവര്‍ത്തിക്കുകയായിരുന്നു ഇദ്ദേഹം.

അതേസമയം ഇഡി സമണ്‍സുകളെ രാഷ്ട്രീയ ആയുധമാക്കാനാണ് ബിജെപിയുടെ നീക്കം. മുഖ്യമന്ത്രി രാജി വയ്ക്കണമെന്ന് ബിജെപി എംപി നിഷികാന്ത് ദുബെ ആവശ്യപ്പെട്ടു. മുഖ്യമന്ത്രിയും അദ്ദേഹത്തിന്‍റെ ആജ്ഞാനുവര്‍ത്തികളായ ഉദ്യോഗസ്ഥരും നിയമത്തെക്കുറിച്ച് ബോധവാന്‍മാരുകകയെങ്കിലും വേണമെന്ന് അദ്ദേഹം പറഞ്ഞു.

താന്‍ പാര്‍ലമെന്‍റിലെ ഒരു അംഗവും റോഡ് സുരക്ഷ സമിതിയുടെ അധ്യനുമാണ്. ഗോഡ്ഡയിലെ ജനങ്ങള്‍ തനിക്ക നല്‍കിയ അധികാരമാണത്. താന്‍ സ്ഥലത്ത് ഉണ്ടായിരുന്നിട്ടും ടവര്‍ ചൗക്കില്‍ വച്ച് ഈ മാസം ആറിന് ദേവ്ഘര്‍ പൊലീസ് ബലം പ്രയോഗിച്ച് നൂറ് കണക്കിന് കുട്ടികളുടെ മോട്ടോര്‍ സൈക്കിളുകളുടെ താക്കോല്‍ പിടിച്ച് വാങ്ങി. താന്‍ പ്രതിഷേധിച്ചപ്പോള്‍ കേസെടുത്തു. ഇത്തരം നടപടികള്‍ ജനാധിപത്യത്തിന് ഭൂഷണമല്ല. ഹേമന്ത് സര്‍ക്കാരിനെ താഴെയിറക്കും വരെ പോരാട്ടം തുടരുമെന്നും അദ്ദേഹം വ്യക്തമാക്കി.

അതേസമയം അരവിന്ദ് കെജ്‌രിവാളിന് നാലാം തവണയും ഇഡി കഴിഞ്ഞ ദിവസം നോട്ടിസ് നല്‍കിയിരുന്നു. തെരഞ്ഞെടുപ്പ് മുന്നില്‍ കണ്ടു കൊണ്ടുള്ള ബിജെപിയുടെ തന്ത്രമാണ് ഇതെന്നാണ് ഇവരുടെ ആരോപണം. കേന്ദ്ര ഏജന്‍സികളെ രാഷ്ട്രീയ പകപോക്കലിന് ഉപയോഗിക്കുന്നുവെന്നും ആരോപണം ഉയര്‍ന്നിട്ടുണ്ട്.