യുക്സം(സിക്കിം) : സിക്കിമിലെ യുക്സം നഗരത്തില് ഇന്ന് പുലര്ച്ചെ ഭൂചലനം. റിക്ടര് സ്കെയില് 4.3 തീവ്രതയിലാണ് ഭൂചലനം രേഖപ്പെടുത്തിയതെന്ന് ദേശീയ ഭൂകമ്പ ശാസ്ത്ര കേന്ദ്രം അറിയിച്ചു. '13.02.2023ന് പുലര്ച്ചെ 4.15ന് 4.3 തീവ്രതയില് 10 കിലോമീറ്റര് ആഴത്തില് സിക്കിമിലെ യുക്സമിലെ വടക്കുപടിഞ്ഞാറന് പ്രദേശത്ത് ഭൂചലനം രേഖപ്പെടുത്തി' - ദേശീയ ഭൂകമ്പശാസ്ത്ര കേന്ദ്രം ട്വീറ്റ് ചെയ്തു.
കഴിഞ്ഞ ദിവസം അസമിന്റെ മധ്യമേഖലയില് 4 റിക്ടര് സ്കെയില് തീവ്രതയില് ഭൂചലനം രേഖപ്പെടുത്തിയിരുന്നു. ബ്രഹ്മപുത്ര നദിയുടെ തെക്കന് തീരത്തുള്ള നാഗോണ് ജില്ലയിലാണ് ഭൂകമ്പം സ്ഥിരീകരിച്ചത്. ഭൂചലനത്തില് ആര്ക്കും പരിക്കേറ്റിട്ടില്ലെന്നും ആളപായമൊന്നും റിപ്പോര്ട്ട് ചെയ്തിട്ടില്ലെന്നും ദേശീയ ഭൂകമ്പശാസ്ത്ര കേന്ദ്രം വ്യക്തമാക്കി.