ദാവൻഗെരെ (കർണാടക): പശുവിന്‍റെ വയറ്റിൽ നിന്ന് 30 കിലോയിലധികം പ്ലാസ്റ്റിക്ക്‌ പുറത്തെടുത്ത്‌ മൃഗസംരക്ഷണ വകുപ്പ്‌ ഡോക്‌ടർമാര്‍. ദാവൻഗരെ ജില്ലയിലെ മൃഗസംരക്ഷണ വകുപ്പ്‌ ഡോക്‌ടർമാരാണ്‌ പ്ലാസ്റ്റിക്ക്‌ നീക്കം ചെയ്‌തത് (doctors removed 30 kg of plastic from cows stomach). വെറ്ററിനറി ആശുപത്രിയിലെ ഡോ. നാഗപ്പ, ഡോ. തിപ്പേസ്വാമി, ഡോ. ശ്രീദേവി, ഡോ. സെയ്‌ദ്‌ എന്നിവരടങ്ങിയ സംഘമാണ് ശസ്‌ത്രക്രിയ (Animal husbandry department) നടത്തിയത്.
ഹരിഹരയിലെ കാളിദാസ നഗറിൽ താമസിക്കുന്ന കൊപ്പേലുരു തിപ്പേഷിന്‍റെ പശു കഴിഞ്ഞ 15 ദിവസമായി രോഗബാധിതയായിരുന്നു. അതിനാൽ പശു കാലിത്തീറ്റ ശരിയായ രീതിയിൽ കഴിച്ചിരുന്നില്ല. ഇതോടെ ആശങ്കയിലായ തിപ്പേഷ് പശുവിനെ ഹരിഹർ മൃഗാശുപത്രിയിൽ എത്തിച്ച് ചികിത്സിച്ചു. എന്നിട്ടും ആരോഗ്യം മെച്ചപ്പെട്ടില്ല. ഇതിനിടെ പശുവിന്‍റെ വയർ വീർത്തതിനാൽ റോമിനോടോമി ശസ്‌ത്രക്രിയ നടത്താൻ ഡോക്‌ടർ തീരുമാനിച്ചു.
ശനിയാഴ്‌ച (ഡിസംബര്‍ 16) ഉച്ചയ്ക്ക് 2:30 മുതൽ തുടർച്ചയായി മുക്കാൽ മണിക്കൂർ ശസ്‌ത്രിക്രിയ നടത്തി പശുവിന്‍റെ വയറ്റിൽ നിന്നും പ്ലാസ്റ്റിക് കലർന്ന മാലിന്യം നീക്കം ചെയ്‌തു. ശസ്‌ത്രക്രിയ വിജയകരം, കാലിത്തീറ്റ കഴിച്ച് പശു സുഖം പ്രാപിച്ചുവരികയാണ്.
പശു, ആട്, കന്നുകാലികൾ എന്നിവ തിരിച്ചറിയാതെ പ്ലാസ്റ്റിക് കഴിക്കുന്നതാണ്‌ ഇത്തരത്തിലുള്ള പ്രശ്‌നങ്ങൾക്ക് കാരണം. അതിനാൽ പ്ലാസ്റ്റിക് എല്ലായിടത്തും വലിച്ചെറിയരുതെന്നും അനുയോജ്യമായ സ്ഥലത്ത് സംസ്‌കരിക്കണമെന്നും മൃഗഡോക്‌ടർ അഭ്യർഥിച്ചു.
ALSO READ: ഉത്തര്‍പ്രദേശില്‍ ഗോവധ കേസ് പ്രതി പൊലീസ് ഏറ്റുമുട്ടലിൽ കൊല്ലപ്പെട്ടു
