ചെന്നൈ: തമിഴ് മീഡിയത്തില്‍ പഠിച്ച അപേക്ഷകർക്ക് സംസ്ഥാനത്തെ സർക്കാർ ജോലികളിൽ മുൻഗണന നൽകുമെന്ന് ധനമന്ത്രി പളനിവേൽ ത്യാഗരാജൻ നിയമസഭയിൽ പറഞ്ഞു. തമിഴ് മാധ്യമം പഠിച്ച അപേക്ഷകർക്ക് ജോലി നിഷേധിക്കുന്നത് സംബന്ധിച്ച് തമിഴാഗ വാഴ്‌വുരുമൈ കക്ഷി നേതാവ് വെൽമുരുകൻ ഉന്നയിച്ച ചോദ്യത്തിന് മറുപടി പറയുകയായിരുന്നു മന്ത്രി.
'സംസ്ഥാന സർക്കാരിന് ഇത് നന്നായി അറിയാം, തമിഴ് മാധ്യമം പഠിച്ച അപേക്ഷകർക്ക് മുൻഗണന നൽകും. മാത്രമല്ല, തമിഴ് ഭാഷ പഠിക്കാത്തവർക്ക് തൊഴിൽ മുൻഗണന നൽകിയ എ.ഐ.എ.ഡി.എം.കെ സർക്കാർ നിരവധി തെറ്റുകൾ വരുത്തിയിട്ടുണ്ട്, ഇത് ഡി.എം.കെ സർക്കാർ തിരുത്തും' - പളനിവേൽ ത്യാഗരാജൻ വ്യക്തമാക്കി.
തമിഴ് ഭാഷ പഠിക്കുന്നവർക്ക് ജോലികൾക്ക് മുൻഗണന നൽകുമെന്നും ഇത് ഗവർണറുടെ പ്രസംഗത്തില്‍ പരാമർശിക്കപ്പെട്ടിരുന്നുവെന്നും ഉന്നത വിദ്യാഭ്യാസ മന്ത്രി പൊൻമുടി പറഞ്ഞു.
also read: എംകെ സ്റ്റാലിൻ സോണിയ ഗാന്ധിയും രാഹുല്‍ ഗാന്ധിയുമായി കൂടിക്കാഴ്ച നടത്തി
കഴിഞ്ഞ 10 വര്‍ഷത്തിനിടെ മറ്റ് സംസ്ഥാനങ്ങളിൽ നിന്നുള്ള എത്ര പേര്‍ക്ക് ജോലി കിട്ടിയെന്ന് പരിശോധിക്കും. എന്ത് അടിസ്ഥാനത്തിലാണ് അവർക്ക് ജോലി നല്‍കിയതെന്നും പരിശോധിക്കും. ഇത്തരം തെറ്റുകൾ സംസ്ഥാനത്ത് വരും ദിവസങ്ങളിൽ ഒരിക്കലും സംഭവിക്കില്ല. ധനകാര്യ വകുപ്പ് ഇത് സംബന്ധിച്ച് ധവളപത്രം പുറത്തിറക്കുമെന്നും ധനമന്ത്രി പറഞ്ഞു.
ധനകാര്യ വകുപ്പിൽ എന്തെങ്കിലും ക്രമക്കേട് നടന്നിട്ടുണ്ടെങ്കില്‍ തെളിവ് സഹിതം ആര്‍ക്ക് വേണമെങ്കിലും ഉന്നയിക്കാമെന്നും എ‌ഐ‌ഡി‌എം‌കെ ഭരണകാലത്ത് ഫണ്ട് ദുരുപയോഗം ചെയ്തുവെന്നാരോപിച്ച് ഒരു ധവളപത്രം കൂടി ഉടൻ നൽകുമെന്നും ധനമന്ത്രി പളനിവേൽ ത്യാഗരാജൻ നിയമസഭയിൽ പറഞ്ഞു.
