ജനപ്രിയ നായകന്‍ ദിലീപിന്‍റേതായി (Dileep) റിലീസിനൊരുങ്ങുന്ന ഏറ്റവും പുതിയ ചിത്രമാണ് 'ബാന്ദ്ര'. റിലീസിനോടടുക്കുമ്പോള്‍ ചിത്രം വാര്‍ത്തകളിലും ഇടംപിടിക്കുകയാണ്. നവംബര്‍ 10നാണ് 'ബാന്ദ്ര' തിയേറ്ററുകളില്‍ എത്തുന്നത് (Bandra Release). റിലീസിന് ഇനി നാല് ദിവസങ്ങള്‍ മാത്രമാണ് ബാക്കിയുള്ളത്.
'ബാന്ദ്ര'യുടെ റിലീസിന് ഇനി നാല് ദിവസം കൂടി എന്നറിയിച്ച് കൊണ്ട് സിനിമയുടെ പുതിയ പോസ്‌റ്റര്‍ പങ്കുവച്ചിരിക്കുകയാണ് ദിലീപ്. കയ്യില്‍ തോക്കുമായി കാറിന് മുകളില്‍ വളരെ സ്‌റ്റൈലായി ഇരിക്കുന്ന ദിലീപിനെയാണ് ബാന്ദ്രയുടെ പുതിയ പോസ്‌റ്ററില്‍ കാണാനാവുക.
- " class="align-text-top noRightClick twitterSection" data="">
ഇതിന് പിന്നാലെ സിനിമയുടെ പുതിയ അപ്‌ഡേറ്റുമായി ദിലീപ് രംഗത്തെത്തി. 'ബാന്ദ്ര'യിലെ പുതിയ വീഡിയോ ഗാനം നാളെ (നവംബര്‍ 7) റിലീസ് ചെയ്യുമെന്നാണ് താരം അറിയിച്ചിരിക്കുന്നത്. ചിത്രത്തിലെ 'വാര്‍മേഘമേ' എന്ന വീഡിയോ ഗാനം നാളെ വൈകിട്ട് ആറ് മണിക്കാകും പുറത്തുവിടുക. വീഡിയോ ഗാനത്തിന്‍റെ അനൗണ്‍സ്‌മെന്‍റ്‌ പോസ്‌റ്ററും ദിലീപ് ഫേസ്‌ബുക്കില്‍ പങ്കുവച്ചിട്ടുണ്ട് (Bandra New Song).
- " class="align-text-top noRightClick twitterSection" data="">
ഒരു സസ്‌പെന്‍സ്‌ ത്രില്ലര്‍ വിഭാഗത്തിലായാണ് 'ബാന്ദ്ര' ഒരുക്കിയിരിക്കുന്നത്. സിനിമയില്‍ അലന്‍ അലക്‌സാണ്ടര്‍ ഡൊമിനിക് എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്. ദിലീപിന്‍റെ കരിയറിലെ 147-ാമത് ചിത്രമാണ് 'ബാന്ദ്ര'.
Also Read: Bandra Second Teaser 'മാസ് ഗെറ്റപ്പും പ്രണയവും'; 'ബാന്ദ്ര'യുടെ വരവറിയിച്ച് രണ്ടാം ടീസർ
തെന്നിന്ത്യന്‍, ബോളിവുഡ് താരം തമന്ന ഭാട്ടിയ ആണ് ചിത്രത്തില്‍ ദിലീപിന്‍റെ നായികയായി എത്തുന്നത്. ഈ സിനിമയിലൂടെ തമന്ന ഇതാദ്യമായാണ് മലയാളത്തിലേക്ക് എത്തുന്നത്. തെന്നിന്ത്യന്‍ താരം ശരത് കുമാര്‍, ബോളിവുഡ് താരം ദിനോ മോറിയ എന്നിവരും സുപ്രധാന വേഷത്തില്‍ എത്തുന്നുണ്ട്. കൂടാതെ മംമ്‌ത മോഹന്‍ദാസ്, ഗണേഷ് കുമാർ, സിദ്ദിഖ്, കലാഭവൻ ഷാജോണ്‍ തുടങ്ങിയവരും ചിത്രത്തില്‍ അണിനിരക്കുന്നുണ്ട്.
അരുണ്‍ ഗോപിയാണ് സിനിമയുടെ സംവിധാനം. അഞ്ച് വര്‍ഷങ്ങള്‍ക്ക് ശേഷം 'ബാന്ദ്ര'യിലൂടെയാണ് ഇരുവരും വീണ്ടും ഒന്നിക്കുന്നത്. 'രാമലീല'യിലാണ് (Ramaleela) ദിലീപും അരുണ്‍ ഗോപിയും ഇതിന് മുമ്പ് ഒന്നിച്ചെത്തിയത്.
'ബാന്ദ്ര'യുടേതായി ഇതുവരെ പുറത്തിറങ്ങിയ പോസ്‌റ്ററുകളും ടീസറുകളും സോഷ്യല്‍ മീഡിയയുടെ ശ്രദ്ധ ആകര്‍ഷിച്ചിരുന്നു. ചിത്രത്തിലെ 'രക്ക രക്ക' എന്ന ഗാനവും അണിയറപ്രവര്‍ത്തകര്‍ പുറത്തുവിട്ടിരുന്നു. കൂടാതെ 'ബാന്ദ്ര'യുടെ രണ്ട് ടീസറുകളും നേരത്തെ പുറത്തിറങ്ങി. ഹൈദരാബാദ്‌, മുംബൈ, അഹമ്മദാബാദ്, രാജ്കോട്ട്, ജയ്‌പൂർ, ഘോണ്ടൽ, സിദ്ധാപൂർ എന്നിവിടങ്ങളിലായിരുന്നു സിനിമയുടെ ചിത്രീകരണം.
അജിത് വിനായക ഫിലിംസിന്‍റെ ബാനറിൽ വിനായക അജിത് ആണ് സിനിമയുടെ നിര്‍മാണം. ഉദയകൃഷ്‌ണയുടേതാണ് തിരക്കഥ. ഷാജി കുമാര്‍ ഛായാഗ്രഹണവും വിവേക് ഹര്‍ഷന്‍ എഡിറ്റിങ്ങും നിര്‍വഹിച്ചിരിക്കുന്നു. സാം സി എസ് ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ആക്ഷൻ രംഗങ്ങൾക്ക് ഏറെ പ്രാധാന്യമുള്ള ചിത്രത്തിൽ അൻബറിവ്, മാഫിയ ശശി, ഫിനിക്‌സ്‌ പ്രഭു എന്നിവരാണ് സിനിമയുടെ ആക്ഷൻ കോറിയോഗ്രാഫർമാർ.
ഡാൻസ് കൊറിയോഗ്രാഫേഴ്‌സ്‌ - ദിനേശ് മാസ്‌റ്റർ, പ്രസന്ന മാസ്‌റ്റർ, കലാസംവിധാനം - സുബാഷ് കരുണ്‍, വസ്‌ത്രാലങ്കാരം - പ്രവീണ്‍ വര്‍മ്മ, സൗണ്ട് ഡിസൈന്‍ - രംഗനാഥ് രവി, പ്രൊഡക്ഷന്‍ ഡിസൈനര്‍ - ദീപക് പരമേശ്വരൻ, പിആർഒ - ശബരി എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
Also Read: Bandra Movie New Poster ദിലീപിനൊപ്പം തമന്ന; ബാന്ദ്രയുടെ പുതിയ പോസ്‌റ്ററുമായി താരം
