ന്യൂഡൽഹി: ഡൽഹിയിൽ വായു ഗുണനിലവാരം മോശമായി തുടരുന്നതായി കേന്ദ്ര മലിനീകരണ നിയന്ത്രണ ബോർഡ് (സിപിസിബി). വായു ഗുണനിലവാര സൂചികയിൽ തിങ്കളാഴ്ച രാവിലെ 281 ആണ് രേഖപ്പെടുത്തിയത്. ആനന്ദ് വിഹാർ, ജഹാംഗീർപുരി, പഞ്ചാബി ബാഗ്, അശോക് നഗർ എന്നിവിടങ്ങളും വായുനിലവാരം വളരെ മോശം നിലയിലാണ്. തിങ്കളാഴ്ച വൈകുന്നേരത്തോടെ നിലവാരം വീണ്ടും താഴാൻ സാധ്യതയുണ്ടെന്നാണ് സൂചന.
എക്യൂഐ 0 മുതൽ 50 വരെ അപകടമില്ല, 51 മുതൽ 100 വരെ തൃപ്തികരവും, 101 മുതൽ 200 വരെ മിതവുമാണ്. 201 മുതൽ 300 വരെ മോശവും, 301 മുതൽ 400 വരെ വളരെ മോശവുമാണ്. 401 മുതൽ 500 വരെ അപകട സാധ്യത കൂടുതലാണ്. ഡൽഹിയിലെ ഇപ്പോഴത്തെ അവസ്ഥ ആളുകളുടെ ആരോഗ്യത്തെ ബാധിക്കുകയും രോഗികളുടെ ആരോഗ്യനില കൂടുതൽ വഷളാക്കുകയും ചെയ്യുന്നുണ്ട്.
