ന്യൂഡൽഹി: പ്രധാൻ മന്ത്രി ഗരിബ് കല്യാൺ അന്ന യോജന (പിഎംജികെഎവൈ) പദ്ധതി പ്രകാരം രാജ്യ തലസ്ഥാനത്ത് ഇതുവരെ ആർക്കും സൗജന്യ റേഷൻ ലഭിച്ചിട്ടില്ലെന്ന് പരാതി. മെയ് മാസത്തിൽ ദേശീയ ഭക്ഷ്യ സുരക്ഷാ പദ്ധതി പ്രകാരം 80 കോടി ഗുണഭോക്താക്കൾക്ക് 5 കിലോ ഭക്ഷ്യധാന്യങ്ങൾ സൗജന്യമായി നൽകുമെന്ന് കേന്ദ്ര സർക്കാർ നേരത്തെ പറഞ്ഞിരുന്നു. ഫുഡ് കോർപ്പറേഷൻ ഓഫ് ഇന്ത്യയിൽ നിന്ന് 10,024 ദശലക്ഷം ടൺ ഭക്ഷ്യധാന്യങ്ങൾ വാങ്ങിയതിനുശേഷവും ആം ആദ്മി പാർട്ടിയുടെ നേതൃത്വത്തിലുള്ള ഡൽഹി സർക്കാർ ദേശീയ തലസ്ഥാനത്തെ ആളുകൾക്ക് സൗജന്യ റേഷൻ നൽകിയിട്ടില്ലെന്നും വൃത്തങ്ങൾ അറിയിച്ചു.
Also Read: പ്രധാനമന്ത്രി ഗരിബ് കല്യാൺ അന്ന യോജന; മെയ്, ജൂൺ മാസങ്ങളിലും സൗജന്യ ഭക്ഷ്യധാന്യങ്ങള്‍
അടുത്ത രണ്ട് മാസത്തേക്ക് ദേശീയ തലസ്ഥാനത്തെ എല്ലാ റേഷൻ കാർഡ് ഉടമകൾക്കും സൗജന്യ റേഷൻ നൽകുമെന്ന് മുഖ്യമന്ത്രി അരവിന്ദ് കെജ്‌രിവാൾ നേരത്തെ പ്രഖ്യാപിച്ചിരുന്നു. കൂടാതെ ഡൽഹിയിലെ എല്ലാ ഓട്ടോറിക്ഷ, ടാക്സി ഡ്രൈവർമാർക്കും 5,000 രൂപ ധനസഹായവും മുഖ്യമന്ത്രി പ്രഖ്യാപിച്ചിരുന്നു.
