ബെംഗളൂരു: എലി ശല്യത്തെ തുടര്‍ന്ന് അപ്പാര്‍ട്ട്‌മെന്‍റിലെ താമസക്കാരനും അസോസിയേഷന്‍ പ്രസിഡന്‍റും തമ്മില്‍ തര്‍ക്കം. ബെംഗളൂരുവിലെ ഗംഗാനഗറിലുളള കംഫർട്ട് എൻക്ലേവ് അപ്പാർട്ട്‌മെന്‍റിലാണ് സംഭവം. മര്‍ദിച്ചതിനെ തുടര്‍ന്ന് അപ്പാർട്ട്‌മെന്‍റ് അസോസിയേഷന്‍ പ്രസിഡന്‍റ് ഇയാള്‍ക്ക് എതിരെ പൊലീസില്‍ പരാതി നല്‍കി.
താമസക്കാരന്‍റെ കാറിന്‍റെ കേബിള്‍ വയറുകള്‍ എലി കടിച്ച് മുറിച്ചിരുന്നു. തുടര്‍ന്ന് ഇയാള്‍ അപ്പാര്‍ട്ട്‌മെന്‍റ് അസോസിയേഷന്‍ പ്രസിഡന്‍റിനോട് ഒരു ലക്ഷം രൂപ നഷ്‌ടപരിഹാരം ആവശ്യപ്പെട്ടു. എന്നാല്‍ അസോസിയേഷന്‍ നഷ്‌ട പരിഹാരം നല്‍കാന്‍ വിസമ്മതിച്ചതിനെ തുടര്‍ന്ന് പ്രസിഡന്‍റിനെ താമസക്കാരന്‍ മര്‍ദിക്കുകയായിരുന്നു.
അപ്പാര്‍ട്ട്‌മെന്‍റിന് മുന്നില്‍ മാലിന്യം തള്ളിയതാണ് എലി ശല്യം വര്‍ധിക്കാന്‍ കാരണമെന്നാണ് കാറുടമയുടെ വാദം. മര്‍ദനത്തെ തുടര്‍ന്ന് അസോസിയേഷന്‍ പ്രസിഡന്‍റ് ആര്‍ടി നഗര്‍ പൊലീസ് സ്റ്റേഷനില്‍ പരാതി നല്‍കുകയായിരുന്നു.
also read: ഇടുക്കി കിഴുകാനത്ത് കാട്ടാന ശല്യം രൂക്ഷം; ആക്രമണത്തില്‍ സ്‌കൂട്ടര്‍ യാത്രികന് പരിക്ക്
