കൊല്‍ക്കത്ത: ബിജെപി നേതാവ് സുവേന്ദു അധികാരിയുടെ തെരഞ്ഞെടുപ്പ് വിജയം ചോദ്യം ചെയ്ത് മമത ബാനര്‍ജി സമര്‍പ്പിച്ച ഹര്‍ജി ഇന്ന്(ജൂണ്‍ 24) വീണ്ടും പരിഗണിക്കും. സുവേന്ദു അധികാരിയുടെ നന്ദിഗ്രാമിലെ ജയത്തിനെതിരെ കൊല്‍ക്കത്ത ഹൈക്കോടതിയിലാണ് മമത ഹര്‍ജി സമര്‍പ്പിച്ചത്.
2000ത്തില്‍ താഴെ വോട്ടുകള്‍ക്കാണ് നിയമസഭ തെരഞ്ഞെടുപ്പില്‍ സുവേന്ദുവിനോട് മമത ബാനര്‍ജി പരാജയപ്പെട്ടത്. ജസ്റ്റിസ് കൗശിക് ചന്ദ അധ്യക്ഷനായ ബഞ്ചാണ് ഹര്‍ജി പരിഗണിക്കുന്നത്. തെരഞ്ഞെടുപ്പ് അഴിമതി ആരോപിച്ചാണ് മമത കോടതിയില്‍ ഹര്‍ജി നല്‍കിയത്. സുവേന്ദു അധികാരി കൈക്കൂലി നല്‍കിയെന്നും ശത്രുത പ്രചരിപ്പിച്ചെന്നുമാണ് ആരോപണം. വോട്ടെണ്ണൽ പ്രക്രിയയിൽ പൊരുത്തക്കേടുകൾ ഉണ്ടെന്നും മമത ബാനര്‍ജി പറഞ്ഞു.
Also Read: നന്ദിഗ്രാമിലെ പരാജയം; മമതയുടെ ഹര്‍ജി പരിഗണിക്കുന്നത് മാറ്റി
2,000ത്തിൽ താഴെ വോട്ടുകൾക്കാണ് നന്ദിഗ്രാമിൽ ബിജെപിയുടെ സുവേന്ദു അധികാരിയോട് മമത പരാജയപ്പെട്ടത്. വോട്ടെണ്ണലിൽ കൃത്രിമം നടന്നിട്ടുണ്ടെന്നാണ് ഫലപ്രഖ്യാപനത്തിന് ശേഷം മമത ബാനർജി ആരോപിച്ചത്. വീണ്ടും വോട്ടെണ്ണൽ നടത്തണമെന്ന് ടിഎംസി ആവശ്യപ്പെട്ടെങ്കിലും തെരഞ്ഞെടുപ്പ് കമ്മീഷൻ ആവശ്യം നിരസിക്കുകയായിരുന്നു. ഇതോടെയാണ് കോടതിയെ സമീപിച്ചത്. ജൂണ്‍ 18നാണ് ഹര്‍ജി ആദ്യം പരിഗണിക്കാനിരുന്നത്. തുടര്‍ന്ന് 24ലേക്ക് മാറ്റുകയായിരുന്നു.
