ചണ്ഡീഗഢ്: പാകിസ്ഥാനില്‍ നിന്ന് ഇന്ത്യയിലേക്ക് പ്രവേശിച്ച ഡ്രോണ്‍ അതിര്‍ത്തി സുരക്ഷ സേന വെടിവച്ചു വീഴ്‌ത്തി. പാകിസ്ഥാനില്‍ നിന്ന് പറന്നുയര്‍ന്ന ഡ്രോണ്‍ പഞ്ചാബിലെ അമൃത്‌സറിലെ ചഹാര്‍പൂരിലാണ് സേന വെടിവച്ച് വീഴ്‌ത്തിയത്. സംഭവത്തെ തുടര്‍ന്ന് മേഖലയില്‍ പൊലീസും സുരക്ഷ സേനയും കനത്ത സുരക്ഷ ഏര്‍പ്പെടുത്തി.
വെടിവച്ചിട്ട ഡ്രോണ്‍ കണ്ടെത്തുന്നതിനായി സേന തിരച്ചില്‍ നടത്തി. അതിര്‍ത്തിക്ക് സമീപമുള്ള ഒരു വയലില്‍ നിന്ന് കേടായ ഒരു ഹെക്‌സാകോപ്റ്റര്‍ സംഘത്തിന് കണ്ടെത്താനായെന്ന് ബിഎസ്എഫ് പബ്ലിക് റിലേഷൻസ് ഓഫിസർ (പിആർഒ) അറിയിച്ചു.
