ഭട്‌പര: പശ്ചിമ ബംഗാളിലെ ഭട്‌പരയില്‍ ഇന്ന് പുലര്‍ച്ചെ നടന്ന ബോംബ് സ്‌ഫോടനത്തില്‍ നിഖില്‍ പാസ്വാന്‍ എന്ന കുട്ടി മരണപ്പെട്ടു. ഒരു പെട്ടിയില്‍ നിന്നും കുട്ടി പിശക് പറ്റി ബോംബ് എടുത്തപ്പോഴാണ് സ്‌ഫോടനമുണ്ടായത്. മനോജ് ഷാ എന്ന മറ്റൊരു കുട്ടിയ്‌ക്കും സ്‌ഫോടനത്തില്‍ ഗുരുതരമായി പരിക്കേറ്റിട്ടുണ്ട്.
ഭട്‌പര മുന്‍സിപ്പാലിറ്റിയിലെ പ്രേംചന്ദ് നഗറിലെ പത്താം വാര്‍ഡിലാണ് സംഭവം. സ്‌ഫോടനം നടന്ന സ്ഥലത്ത് നിന്നും മറ്റൊരു ബോംബ് കൂടി പൊലീസ് കണ്ടെടുത്തു. റെയില്‍വേ ട്രാക്കിന് സമീപമാണ് സ്‌ഫോടനം നടന്നത്. റെയിൽവേ പൊലീസ്, റെയില്‍വേ സുരക്ഷ സേന, പ്രാദേശിക പൊലീസ് സേന എന്നിവര്‍ സംഭവസ്ഥലത്തെത്തി അന്വേഷണം നടത്തി. അന്വേഷണം പുരോഗമിച്ചുകൊണ്ടിരിക്കുകയാണെന്ന് പൊലീസ് അറിയിച്ചു.
