ന്യൂഡല്‍ഹി: സുപ്രീം കോടതി കൊളീജിയം ശുപാര്‍ശ ചെയ്‌ത പുതിയ ജഡ്‌ജിമാരുടെ നിയമനം രാഷ്ട്രപതി അംഗീകരിച്ചതോടെ വാദം കേള്‍ക്കുന്നതിനായി രണ്ട് അധിക കോടതി മുറികള്‍ അനുവദിച്ച് സുപ്രീംകോടതി ചീഫ് ജസ്റ്റിസ് രഞ്ജന്‍ ഗൊഗോയുടെ ഉത്തരവ്.
ഉത്തരവ് പ്രകാരം 10-ാം നമ്പര്‍ മുറിയോട് ചേര്‍ന്നാണ് അധികമുറികള്‍ അനുവദിച്ചത്. 15 വാദ മുറികളാണ് സുപ്രീംകോടതിയില്‍ ഉള്ളത്. ഹൈക്കോടതി ചീഫ് ജസ്റ്റിസുമാരായ ഹൃഷികേശ് റോയ് (കേരള), വി. രാമസുബ്രഹ്മണ്യൻ (ഹിമാചൽ പ്രദേശ്), കൃഷ്ണ മുരാരി (പഞ്ചാബ്-ഹരിയാന) എസ്. രവീന്ദ ഭട്ട് (രാജസ്ഥാൻ) എന്നിവരാണ് നിയമനം ലഭിച്ച പുതിയ ജഡ്‌ജിമാര്‍. ഇതോടെ സുപ്രീം കോടതിയില്‍ ചീഫ് ജസ്റ്റിസ് ഉള്‍പ്പെടെ 34 ജഡ്ജിമാരാകും.
