ലക്‌നൗ: പൊലീസുകാരന്‍ വെടിയേറ്റു മരിച്ച സംഭവത്തില്‍ അന്വേഷണം വേണമെന്ന് ആവശ്യപ്പെട്ട് കുടുംബാംഗങ്ങള്‍ ഡല്‍ഹി ലക്‌നൗ ദേശീയ പാത ഉപരോധിച്ചു. ഹസന്‍പൂര്‍ തെഹ്സിലിലെ തരാര ഗ്രാമവാസിയായ പ്രവീണ്‍ ആണ് കൊല്ലപ്പെട്ടത്. വ്യാഴാഴ്ച ബാഗ്‌പത് ജില്ലയില്‍ വെടിയേറ്റു മരിക്കുകയായിരുന്നു.
പ്രവീണിനെ വെടിവച്ചു കൊന്നതാണെന്ന് കുടുംബം ആരോപിച്ചു. എന്നാല്‍ ഇയാള്‍ ആത്മഹത്യ ചെയ്‌തതാണെന്ന് പൊലീസ് വൃത്തങ്ങള്‍ പറഞ്ഞു. സംഭവത്തില്‍ കൂടുതല്‍ അന്വേഷണം വേണമെന്ന കുടുംബത്തിന്‍റെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്യുമെന്ന് അഡീഷണല്‍ പൊലീസ് സൂപ്രണ്ട് പറഞ്ഞു.
