ലക്നൗ: ഉത്തർപ്രദേശിലെ മുസാഫർനഗറിലെ ഷെർപൂർ ഗ്രാമത്തിൽ ബൈക്കപകടത്തിൽ രണ്ട് പുരോഹിതന്മാർ മരിച്ചു. ദേശീയപാത 58ൽ ട്രക്ക് ബൈക്കിലിടിച്ചാണ് അപകടമുണ്ടായത്. ശനിയാഴ്ച രാത്രി ന്യൂ മണ്ഡി പ്രദേശത്താണ് അപകടമുണ്ടായത്. മൃതദേഹങ്ങൾ ജില്ലാ ആശുപത്രിയിലേക്ക് മാറ്റി.
ഇസ്ലാമിക് സെമിനാരിയിൽ നിന്ന് അക്കാദമിക് പേപ്പറുകൾ ശേഖരിക്കുന്നതിനായി ദിയോബാൻഡിലേക്ക് പോകുകയായിരുന്ന മൗലാന ഇന്റേസർ (25), മൗലാന ഇഫ്തിഖാർ (28) എന്നിവരാണ് മരിച്ചത്. സംഭവത്തിൽ അന്വേഷണം കേസ് രജിസ്റ്റർ ചെയ്തെന്നുൂം കൂടുതൽ നടത്തുമെന്നും സിറ്റി പൊലീസ് സൂപ്രണ്ട് സത്പാൽ ആന്റിൽ പറഞ്ഞു. സംഭവ സ്ഥലത്ത് നിന്ന് രക്ഷപ്പെട്ട ട്രക്ക് ഡ്രൈവർക്കായുള്ള അന്വേഷണം തുടരുകയാണെന്നും അദ്ദേഹം വ്യക്തമാക്കി.
രണ്ടാഴ്ച മുമ്പ് ഇതേ സ്ഥലത്ത് എസ്‌യുവിയും ട്രക്കും തമ്മിൽ കൂട്ടിയിടിച്ച് മാതാപിതാക്കളോടൊപ്പം സഞ്ചരിച്ചിരുന്ന 26കാരൻ മരിച്ചിരുന്നു.
