ഹൈദരാബാദിന് സമീപം പരിശീലന വിമാനം തകർന്ന് രണ്ട് പൈലറ്റുമാർ മരിച്ചു

വികാരാബാദ് ജില്ലയിലാണ് അപകടമുണ്ടായത്.

ഹൈദരാബാദ്: ഹൈദരാബാദിന് സമീപം പരിശീലന വിമാനം തകർന്ന് വീണ് രണ്ട് പേർ മരിച്ചു. വികാരാബാദ് ജില്ലയിലെ സുൽത്താൻപൂരിലാണ് അപകടമുണ്ടായത്. പൈലറ്റുമാരായ പ്രകാശ് വിശാൽ, അമാൻ പ്രിത്കൗർ എന്നിവരാണ് മരിച്ചത്. പരിശീലന പറക്കലിനിടെ രാവിലെ 11.55 ന് ശേഷം വിമാനത്തിന് ബീഗമ്പേട്ട് സ്റ്റേഷനുമായുള്ള വാർത്താ വിനിമയ ബന്ധം നഷ്‌ടപ്പെട്ടിരുന്നു. സുൽത്താൻപൂരിലെ ഒരു ഫാമിൽ വിമാനം തകർന്ന് വീണത് ശ്രദ്ധയിൽപ്പെട്ട പ്രദേശവാസികൾ പൊലീസിനെ വിവരം അറിയിക്കുകയായിരുന്നു. പൊലീസ് സംഭവസ്ഥലത്തെത്തി അന്വേഷണം നടത്തി. മരിച്ച പ്രകാശ് വിശാലിന്‍റെ തിരിച്ചറിയൽ കാർഡ് ലഭിച്ചിട്ടുണ്ട്.