ഉന്നാവോ: നിസാൻപ്‌സാരി ഗ്രാമത്തിൽ ഉണ്ടായ തീപിടുത്തത്തിൽ ഏഴ് വയസുകാരി മരിച്ചു. മഖി പോലീസ് സ്റ്റേഷന് സമീപം കന്യാ പൂജന്‍ ചടങ്ങിനിടെയുണ്ടായ തീപിടിത്തത്തില്‍ പൂജ എന്ന കുട്ടിയാണ് മരിച്ചത്. രണ്ട് പെൺകുട്ടികൾക്ക് ഗുരുതരമായി പരിക്കേറ്റു. കന്യാ പൂജൻ ആചരിക്കുമ്പോൾ വീടിനടുത്തുള്ള കടയിലാണ് തീപിടിത്തമുണ്ടായതെന്ന് പൊലീസ് പറഞ്ഞു.
ഗുരുതരമായി പരിക്കേറ്റ ഖുഷി (10), മിഷ്‌തി (4) എന്നിവരെ കമ്മ്യൂണിറ്റി ഹെൽത്ത് സെന്‍ററിലേക്ക് കൊണ്ടുപോയി. തീപിടിത്തത്തിന്‍റെ കാരണം കണ്ടെത്താനുള്ള ശ്രമങ്ങൾ തുടരുകയാണെന്ന് മഖി പോലീസ് സ്റ്റേഷൻ ഓഫീസർ ബഹാദൂർ പറഞ്ഞു. സംഭവത്തെക്കുറിച്ച് അന്വേഷണം നടത്തി ചൊവ്വാഴ്‌ചയ്ക്കകം റിപ്പോർട്ട് സമർപ്പിക്കാൻ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ജില്ലാ മജിസ്‌ട്രേറ്റ്, പോലീസ് സൂപ്രണ്ട് എന്നിവരോട് ആവശ്യപ്പെട്ടു. മരിച്ചവരുടെ കുടുംബാംഗങ്ങള്‍ക്ക് രണ്ട് ലക്ഷം രൂപ നഷ്ടപരിഹാരം നല്‍കാനും മുഖ്യമന്ത്രി ഉത്തരവിട്ടു.
