തെലങ്കാന: ശംഷാബാദ് സെന്‍ട്രല്‍ ക്രൈം സ്റ്റേഷന്‍റെ നേതൃത്വത്തില്‍ മോഷ്ടാക്കളെ പിടികൂടി. വീടുകള്‍ കേന്ദ്രീകരിച്ച് കവര്‍ച്ച നടത്തുന്ന സംഘമാണ് പിടിയിലായത്. ഇവരില്‍ നിന്നും 175 ഗ്രാം സ്വര്‍ണവും 350 ഗ്രാം വെള്ളിയും ഹോണ്ട ആക്ടീവ് സ്കൂട്ടറും, അഞ്ച് സെല്‍ഫോണുകളും കളവിന് ഉപേയാഗിക്കുന്ന ആയുധങ്ങളും കണ്ടെത്തി.
കൊസൂരി ശ്രീനിവാസ റാവു, രത്‌ലവന്ത് ശങ്കര്‍ നായിക്ക്, മല്ലച്ചെര്‍വു രാമ റാവു, ചിന്തല സിസിന്ധ്രി, മൂവ സുരേഷ് ബാബു എന്നിവരാണ് പിടിയിലായത്. രാജേന്ദ്രനഗറിലെ ഒരു വീട്ടില്‍ കളവ് നടത്തുന്നതിനിടെയാണ് സംഘം പൊലീസ് പിടിയിലായത്.
