ന്യൂഡൽഹി: ഗുജറാത്തിലെ രാജ്കോട്ടിൽ നിർമിക്കുന്ന ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിന്‍റെ (എയിംസ്) ശിലാസ്ഥാപനം പ്രധാനമന്ത്രി നരേന്ദ്ര മോദി വീഡിയോ കോൺഫറൻസിംഗിലൂടെ ഇന്ന്‌ നിർവ്വഹിക്കും. പ്രധാനമന്ത്രി തന്നെയാണ്‌ ട്വിറ്ററിലൂടെ ഇക്കാര്യം അറിയിച്ചത്‌. 201 ഏക്കർ ഭൂമിയാണ്‌ പദ്ധതിക്കായി സർക്കാർ നൽകിയിട്ടുള്ളത്‌. 1195 കോടി മുടക്കി നിർമിക്കുന്ന ഈ പദ്ധതി 2022 ന്‍റെ പകുതിയോടെ പൂർത്തിയാക്കും. അത്യാധുനിക സംവിധാനങ്ങളോടുകൂടി നിർമിക്കുന്ന ആശുപത്രിയിൽ 750 കിടക്കകൾ ,30 കിടക്കകൾ ഉള്ള ആയുഷ്‌ ബ്ലോക്ക്‌ എന്നിയും ഉണ്ടാകും. കൂടാതെ 125 എംബിബിഎസ്‌ സീറ്റുകളും 60 നഴ്‌സിങ്ങ്‌ സീറ്റുകളുമാണുള്ളത്‌.
ശിലാസ്ഥാപന ചടങ്ങിൽ ഗുജറാത്ത് ഗവർണർ ആചാര്യ ദേവ്‌റത്ത്, മുഖ്യമന്ത്രി വിജയ് രൂപാനി, കേന്ദ്ര ആരോഗ്യ സഹമന്ത്രി അശ്വിനി കുമാർ ചൗബെ എന്നിവർ പങ്കെടുക്കും.
