ലക്‌നൗ: പൗരത്വ ഭേദഗതി നിയമത്തെക്കുറിച്ച് ജനങ്ങളിൽ തെറ്റിദ്ധാരണ പരത്തരുതെന്ന് കേന്ദ്രമന്ത്രിയും ബിജെപിയുടെ മുതിർന്ന നേതാവുമായ രാജ്നാഥ് സിംഗ്. ലോക്‌സഭാ മണ്ഡലം സന്ദർശിച്ച അദ്ദേഹം ജസ്റ്റിസ് ഖേം കരന്‍റെ വസതി സന്ദർശിച്ച് പൗരത്വ ഭേദഗതി നിയമത്തിന് (സി‌എ‌എ) പിന്തുണ ശേഖരിച്ചു.
ജനങ്ങളിൽ സി‌എ‌എയെക്കുറിച്ചുള്ള തെറ്റിദ്ധാരണകൾ പരത്തരുതെന്നും ഒരു ഹിന്ദുസ്ഥാനിക്ക് ജാതിയുടെയും മതത്തിന്‍റെയും അടിസ്ഥാനത്തിൽ വിവേചനം കാണിക്കാൻ കഴിയില്ലെന്നും വസുദൈവ കുടുംബകം (ലോകമെ തറവാട്) എന്ന സന്ദേശമാണ് ഇന്ത്യയുടെ സംസ്‌കാരം നമ്മെ പഠിപ്പിക്കുന്നതെന്നും രാജ്നാഥ് സിംഗ് പറഞ്ഞു.
