മുംബൈ: അച്ചടക്കം പാലിച്ചില്ലെങ്കിൽ കേന്ദ്രത്തിനും മഹാരാഷ്‌ട്ര സർക്കാരിനും ലോക്‌ഡൗൺ കാലാവധി നീട്ടേണ്ടിവരുമെന്ന് ശരദ് പവാറിൻ്റെ മുന്നറിയിപ്പ്. നിരീക്ഷണത്തിൽ കഴിയുന്നവർ വീടിനുള്ളിൽ തന്നെ താമസിക്കണം. ഡോ. ബി ആർ അംബേദ്‌കറുടെ ജന്മവാർഷികാഘോഷം മാറ്റിവക്കുമെന്നും അദ്ദേഹം പറഞ്ഞു. അംബേദ്‌കറുടെ ജന്മവാർഷികം ഏപ്രിൽ 14ന് ആചരിക്കും. ഷാബ്-ഇ-ബറാത്ത് ഏപ്രിൽ 8നും ആചരിക്കും.
വൈറസ് പ്രതിസന്ധി കാരണം ആളുകൾ കൂട്ടംകൂടാതിരിക്കാൻ മുൻകരുതൽ സ്വീകരിക്കണമെന്നും പവാർ പറഞ്ഞു. മുഖ്യമന്ത്രി ഉദ്ദവ് താക്കറെയെയും സംസ്ഥാന ഭരണകൂടത്തെയും പൊലീസിനെയും പ്രശംസിച്ച പവാർ, അവരുമായി സഹകരിക്കാൻ ജനങ്ങളോട് ആവശ്യപ്പെട്ടു.
