കൊവിഡ് സാഹചര്യം വിലയിരുത്താൻ നാളെ പാർലമെന്‍ററി സ്റ്റാന്‍റിങ് കമ്മിറ്റി യോഗം

കൊവിഡ് രോഗികളുടെ എണ്ണം ദിനം പ്രതി വർധിക്കുന്ന സാഹചര്യത്തിലാണ് യോഗം ചേരുന്നത്.

ന്യൂഡൽഹി: രാജ്യത്ത് ദിനം പ്രതി കൊവിഡ് രോഗികളുടെ എണ്ണം വർധിക്കുന്ന സാഹചര്യത്തിൽ പാർലമെന്‍ററി സ്റ്റാന്‍റിങ് കമ്മിറ്റി (ആരോഗ്യം) നാളെ യോഗം ചേരും. അൺലോക്ക് 4 നെ തുടർന്ന് കൊവിഡ് രോഗികൾ വർധിക്കുന്ന സാഹചര്യവും ഇതിനെ എങ്ങനെ നേരിടാമെന്നും യോഗത്തിൽ ചർച്ചയാകും.

രാജ്യത്ത് ഇന്ന് 90,632 പേർക്കാണ് കൊവിഡ് സ്ഥിരീകരിച്ചത്. ഇതോടെ ഇന്ത്യയിലെ കൊവിഡ് രോഗികൾ 4,113,811 ആയി. കൊവിഡ് ബാധിച്ച് 1,065 പേർ കൂടി മരിച്ചതോടെ ആകെ കൊവിഡ് മരണം 70,626 കടന്നു. നിലവിൽ 8,62,320 സജീവ കൊവിഡ് രോഗികളാണ് ഇന്ത്യയിലുള്ളത്.