ശ്രീനഗർ: വ്യാഴ്‌ചയോടെ ലോകം അവസാനിക്കുമെന്ന് കശ്മീരില്‍ വ്യാജ പ്രചാരണം. ശ്രീനഗറിലും മറ്റ് ഗ്രാമങ്ങളിലുമാണ് ലോകാവസാനമെന്ന വ്യാജ പ്രചാരണം നടക്കുന്നത്. ലോകാവസാനം സൂചിപ്പിക്കുന്ന ദജാല്‍ ആകാശത്ത് കണ്ടതായി അഭ്യൂഹങ്ങൾ പരന്നതോടെ സ്ത്രീകളും കുട്ടികളുമടക്കം പരിഭ്രാന്തിയിലാണ്. രാത്രിയില്‍ ആകാശത്ത് ഇസ്ലാം പ്രവാചകന്‍റെ പേര് എഴുതി കാണിച്ചെന്നും താഴ്‌വരയില്‍ കിംവദന്തി പരക്കുന്നുണ്ട്.
2020 മാർച്ച് 26ന് ഒരു ചെറിയ ഗ്രഹം ഭൂമിയോട് അടുക്കുമെന്ന് നാസയെ ഉദ്ധരിച്ച് റിപ്പോർട്ടുകൾ വന്നിരുന്നു. ഇതിന്‍റെ അടിസ്ഥാനത്തിലാണ് ഇത്തരം കിംവദന്തികൾ പുറത്ത് വന്നത്.
ഖയാമത്ത് വ്യാഴാഴ്‌ച നടക്കുമെന്ന് കശ്മീരികൾക്കിടയിൽ പൊതുവായ വിശ്വാസമുള്ളതിനാൽ വാർത്തകൾക്ക് വിശ്വാസ്യത വർധിപ്പിച്ചു. വ്യാജ പ്രചാരണത്തിന്‍റെ ഉറവിടം ഇതുവരെ കണ്ടെത്താനായിട്ടില്ല.
