ഭുവനേശ്വർ: സംസ്ഥാനത്ത് 24 മണിക്കൂറിനിടെ 4,189 കൊവിഡ് ബാധിതർ. 11 മരണങ്ങളും റിപ്പോർട്ട് ചെയ്തു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 721 ആയി. ഇന്ന് രോഗം സ്ഥിരീകരിച്ചവരിൽ 1,736 പേർക്ക് സമ്പർക്കത്തിലൂടെയാണ് കൊവിഡ് പടർന്നത്. നിരീക്ഷണ കേന്ദ്രത്തിൽ കഴിഞ്ഞ 2,453 പേർക്കും രോഗം സ്ഥിരീകരിച്ചു.
സംസ്ഥാനത്ത് ഇതുവരെ 1,88,311 പേർക്കാണ് രോഗം സ്ഥിരീകരിച്ചത്. ഇതിൽ 1,49,379 പേർക്ക് രോഗം ഭേദമായി. നിലവിൽ 38,158 പേരാണ് സംസ്ഥാനത്ത് ചികിത്സയിൽ കഴിയുന്നത്. സംസ്ഥാനത്ത് ഇതുവരെ 28.60 ലക്ഷം സാമ്പിളുകളുകൾ പരിശോധിച്ചു.
