വിജയപുര(കർണാടക): കൃഷിയിടങ്ങളില്‍ കീടനാശിനി തളിക്കാന്‍ ഇനി ഡ്രോണുകളും. റായിചുരു കാർഷിക സർവകലാശാലയാണ് പുതിയ കണ്ടുപിടിത്തം നടത്തിയത്. വിജയപുരയില്‍ നടന്ന കാർഷിക മേളയിലാണ് കീടനാശിനി തളിക്കുന്ന ഡ്രോണുകള്‍ പ്രദർശിപ്പിച്ചത്.
കീടനാശിനി തളിക്കാന്‍ ഡ്രോണുകള്‍
ഡ്രോണിന്‍റെ പ്രവർത്തന രീതിയും കീടനാശിനികള്‍ തളിക്കുന്ന വിധവും കാർഷിക മേളയില്‍ വിശദീകരിച്ചു. 20 ലിറ്റർ വരെ കീടനാശിനി വഹിക്കാന്‍ ശേഷിയുള്ളതാണ് ഈ ഡ്രോണുകള്‍. ബാറ്ററി ഉപയോഗിച്ചും ഡ്രോണ്‍ പ്രവർത്തിപ്പിക്കാം. മാത്രമല്ല ജിപിഎസ് സംവിധാനവുമുണ്ട്.ലാപ്ടോപ്പിന്‍റെ സഹായത്തോടെ കർഷകർക്ക് ഡ്രോണ്‍ പ്രവർത്തിപ്പിക്കാന്‍ സാധിക്കും.
15 മുതല്‍ 18 ലക്ഷം വരെയാണ് ഡ്രോണിന്‍റെ തുക. ഡ്രോണ്‍ വാങ്ങുന്നവർക്കായി സർക്കാർ 75 ശതമാനം സബ്സിഡി നല്‍കണമെന്ന് കർഷകർ സർക്കാരിനോട് ആവശ്യപ്പെട്ടിട്ടുണ്ട്.
