മൈസൂര്‍: നടുറോഡില്‍ പഞ്ചായത്ത് പ്രസിഡന്‍റിന്‍റെ ഡ്രൈവറെ വെട്ടിക്കൊന്നു. മൈസൂര്‍ ജില്ലയിലെ അന്തരസാന്തെ ഗ്രാമത്തില്‍ ശനിഴാഴ്‌ച രാത്രിയാണ് സംഭവം. സുനില്‍ (25) എന്നയാളാണ് കൊല്ലപ്പെട്ടത്. ഒരു കടയ്‌ക്ക് സമീപം നില്‍ക്കുകയായിരുന്ന സുനിലിനെ പിന്നില്‍ നിന്ന് വെട്ടുകയായിരുന്നു. ആക്രമണത്തില്‍ നിലത്തുവീണ സുനിലിനെ അക്രമി തലങ്ങും വിലങ്ങും വെട്ടുകയായിരുന്നു.
മൈസൂരില്‍ നടുറോഡില്‍ കൊലപാതകം; ക്രൂരത സിസിടിവിയില്‍ പതിഞ്ഞു
ആക്രമണത്തിന്‍റെ ദൃശ്യങ്ങള്‍ കടയിലെ സിസിടിവിയില്‍ പതിഞ്ഞു. ഗുരുതരമായി പരിക്കേറ്റ സുനില്‍ ആശുപത്രിയില്‍ വച്ചാണ് മരണപ്പെട്ടത്. സംഭവത്തില്‍ പ്രതിയായ രവി(40)യെ പൊലീസ് അറസ്‌റ്റ് ചെയ്‌തു. കുറ്റസമ്മതം നടത്തിയ പ്രതി അവിഹിത ബന്ധം സംശയിച്ചാണ് കൊലപാതകം നടത്തിയതെന്ന് പൊലീസിന് മൊഴി നല്‍കി.
