അമരാവതി: ആന്ധ്രാപ്രദേശ് ചിറ്റൂരിൽ കൊവിഡ്-19 (കൊറോണ) വൈറസ് ബാധ സംശയിച്ച് 50കാരൻ തൂങ്ങിമരിച്ചു. എസ്എൻ കാന്ദ്രിഗ ഗ്രാമവാസിയായ ബാലകൃഷ്ണനാണ് വീടിനടുത്തുള്ള കൃഷി സ്ഥലത്ത് തൂങ്ങി മരിച്ചത്.
ശരീശിക ബുദ്ധിമുട്ടനുഭവപ്പെട്ടതിനെ തുടർന്ന് തിരുപതി ജനറൽ ആശുപത്രിയിൽ പോയ ബാലകൃഷ്ണന്‍റെ വായയിൽ അണുബാധയുണ്ടെന്ന് ആശുപത്രി അധികൃതർ അറിയിച്ചു. എന്നാൽ കൊവിഡ്-19 അല്ലെന്ന് ഡോക്ടർമാർ തന്നെ വിശദീകരിച്ചിരുന്നു. മുൻകരുതൽ സ്വീകരിക്കണമെന്നും ആളുകളുമായി ഇടപഴകുന്നത് ഒഴിവാക്കാണമെന്നും ഡോക്ടർമാർ മുന്നറിയിപ്പ് നൽകിയിരുന്നു.
തനിക്ക് കൊവിഡ്-19 ഉണ്ടെന്നും മുൻകരുതൽ സ്വീകരിക്കണെമെന്നും ഇയാൾ വീട്ടുകാരോട് പറഞ്ഞു. തുടർന്നാണ് തിങ്കളാഴ്ച തൂങ്ങി മരിച്ച നിലയിൽ കണ്ടെത്തിയത്. എന്നാൽ പൊലീസ് സ്ഥലത്തെത്തിയപ്പോഴേക്കും അന്ത്യ കർമ്മങ്ങൾ പൂർത്തിയായിരുന്നു. സംഭവത്തിൽ കേസ് രജിസ്റ്റർ ചെയ്തിട്ടില്ല.
