ലക്‌നൗ: രണ്ട് കുടുംബങ്ങൾ തമ്മിലുള്ള തർക്കത്തിനിടയിൽ ഒരാള്‍ കൊല്ലപ്പെട്ടു. 55കാരനായ ഷക്കീര്‍ എന്നയാളെ ക്രിക്കറ്റ് ബാറ്റുകൊണ്ട് ബന്ധു അടിച്ചു കൊന്നു. ദേവാലയത്തിലേക്ക് വഴിപാടുകൾ നൽകുന്നതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചത്. ബദൗൻ ജില്ലയിലെ സെയ്‌ദ്‌പൂർ പ്രദേശത്താണ് സംഭവം.
വർഷങ്ങളായി രണ്ട് കുടുംബങ്ങളും ദേവാലയത്തിലേക്ക് സംഭാവന നൽകാറുണ്ട്. എന്നാൽ ഈ വർഷം ഇരു വീട്ടുകാരും തമ്മിൽ തർക്കത്തിലാകുകയും തുടർന്ന് കയ്യാങ്കളിയിൽ കലാശിക്കുകയുമായിരുന്നു. ചികിത്സയിലിരിക്കെയാണ് ഷക്കീർ മരിച്ചത്. നാല് പേർക്കെതിരെ പൊലീസ് എഫ്ഐആർ രജിസ്റ്റർ ചെയ്‌തു. സംഭവത്തില്‍ ഒരാൾ പിടിയിലായി.
