ഹൈദരാബാദ്: വിശാഖപട്ടണത്തെ കെമിക്കൽ ഫാക്ടറിയിയിൽ വ്യാഴാഴ്ച പുലർച്ചെ വാതക ചോർച്ചയെ തുടർന്ന് ഒൻപത് പേർ മരിച്ചു.
വാതക ചോർച്ചയെ തുടർന്ന് സമീപകാലത്ത് ഇന്ത്യയിൽ ഉണ്ടായ അപകടങ്ങൾ
- 02.12.1984: ഭോപ്പാലിലെ യൂണിയൻ കാർബൈഡ് പ്ലാന്‍റിൽ 30 ടൺ വിഷവാതകം ചോർന്നു. സംഭവത്തിൽ 3,787 പേർ മരിച്ചു. അതേ സമയം, ഏതാണ്ട് 16,000-ത്തിലധികം മരണങ്ങൾ ഉണ്ടായെന്നും വാദങ്ങളുണ്ട്.
- 12.11.2006: ഗുജറാത്തിലെ ഭറുച്ച് അങ്കലേശ്വർ നഗരത്തിലെ എണ്ണ ഫാക്ടറിയിൽ വാതകം ചോർന്നതിനെ തുടർന്ന് മൂന്ന് പേർ മരിച്ചു.
- 16.07.2010: പശ്ചിമ ബംഗാളിലെ ദുർഗാപൂർ സ്റ്റീൽ പ്ലാന്‍റിൽ നിന്നും കാർബൺ മോണോക്സൈഡ് ശ്വസിച്ച് 25 പേർക്ക് ദേഹാസ്വാസ്ഥ്യം ഉണ്ടായി.
- 02.08.2011: കർണാടകയിലെ ജിൻഡാൽ സ്റ്റീൽ പ്ലാന്‍റിൽ നിന്ന് ചോർന്ന വിഷവാതകം ശ്വസിച്ച് മൂന്ന് തൊഴിലാളികൾ മരിച്ചു.
- 23.03.2013: തമിഴ്‌നാട്ടിലെ തൂത്തുക്കുടിയിൽ സൾഫർ ഡയോക്സൈഡ് എന്ന് കരുതപ്പെടുന്ന വിഷ രാസവാതകം പ്ലാന്‍റിൽ നിന്ന് ഒഴുക്കിയതിനെ തുടർന്ന് നൂറുകണക്കിന് ആളുകൾക്ക് ചുമയും ശ്വാസംമുട്ടലും ദേഹാസ്വാസ്ഥ്യവും അനുഭവപ്പെട്ടു. സംഭവത്തിൽ ഒരാൾ മരിച്ചു.
- 05.06.2014: തൂത്തുക്കുടിയിലെ നിള ഫിഷ് പ്രോസസ്സിംഗ് യൂണിറ്റിൽ അമോണിയ ഗ്യാസ് പൈപ്പ് ലൈൻ പൊട്ടി 54 സ്ത്രീകൾ അബോധാവസ്ഥയിലായി.
- 07.08.2014: കേരളത്തിലെ കൊല്ലം ജില്ലയിലെ സർക്കാർ ഉടമസ്ഥതയിലുള്ള പ്ലാന്‍റിൽ നിന്നുള്ള വാതകം ശ്വസിച്ച 70 കുട്ടികൾക്ക് ദേഹാസ്വാസ്ഥ്യം ഉണ്ടായി.
- 27.08.2014: പശ്ചിമ ബംഗാളിലെ ബർദ്വാനിലെ വെൽഡിംഗ് വർക്ക്‌ഷോപ്പിലെ സിലിണ്ടറിൽ നിന്ന് വിഷ വാതകം ചോർന്നതിനെ തുടർന്ന് രണ്ട് സ്ത്രീകൾ മരിക്കുകയും 50 പേർക്ക് ദേഹാസ്വാസ്ഥ്യം ഉണ്ടാവുകയും ചെയ്തു.
- 13.07.2014: ഛത്തീസ്ഗഡിലെ ഭിലായ് സ്റ്റീൽ പ്ലാന്‍റിൽ ഉണ്ടായ വാതക ചോർച്ചയിൽ 50 പേർക്ക് പരിക്കേറ്റു. ഡെപ്യൂട്ടി മാനേജർ ബി കെ സിംഗാൾ, എൻ കെ കതാരിയ എന്നിവരടക്കം അഞ്ച് ഉന്നത ഉദ്യോഗസ്ഥർ മരിക്കുകയും ചെയ്തു.
- 03.11.2016: സംസ്ഥാന പി‌എസ്‌യുവിന്‍റെ ഗുജറാത്ത് നർമദാ വാലി ഫെർട്ടിലൈസേഴ്സ് ആന്‍റ് കെമിക്കൽസ് ലിമിറ്റഡിന്‍റെ (ജിഎൻ‌എഫ്‌സി) കെമിക്കൽ പ്ലാന്‍റിൽ വിഷം കലർന്ന ഫോസ്ഫറസ് വാതകം ചോർന്നതിനെ തുടർന്ന് നാല് തൊഴിലാളികൾ മരിക്കുകയും 13 പേർക്ക് പരിക്കേൽക്കുകയും ചെയ്തു.
- 15.03.2017: ഉത്തർപ്രദേശിലെ കാൺപൂരില്‍ കോൾഡ് സ്റ്റോറേജിലെ ഗ്യാസ് ചേമ്പറിൽ നിന്ന് അമോണിയ ചോർന്ന് കെട്ടിടത്തിന്‍റെ മേൽക്കൂര ഇടിഞ്ഞുവീഴുകയും ഒമ്പത് പേർ മരിക്കുകയും ചെയ്തു.
- 08.05.2017: ഡൽഹിയിലെ തുഗ്ലകാബാദ് പ്രദേശത്ത് ഉണ്ടായ വിഷവാതക ചോർച്ചയെ തുടർന്ന് റാണി ഝാന്‍സി സർവോദയ കന്യ വിദ്യാലയ ഗേൾസ് സ്‌കൂളിലെ 475 കുട്ടികളെയും ഒമ്പത് അധ്യാപകരെയും ആശുപത്രിയിൽ പ്രവേശിപ്പിച്ചു.
- 03.05.2018: ഗുജറാത്തിലെ ഭരുച് ജില്ലയിലെ റീ സൈക്കിൾ പ്ലാന്‍റിൽ ഉണ്ടായ വാതക ചോർച്ചയിൽ മൂന്ന് തൊഴിലാളികൾ മരിച്ചു.
- 06.02.2018: ഗോഡൗണിൽ ക്ലോറിൻ വാതകം ചോർന്നതിനെ തുടർന്ന് 72 പേർ രോഗബാധിതരായി.
- 03.07.2018: ഉത്തർപ്രദേശിലെ ഉനാവോയില്‍ ഫാക്ടറിയിൽ വാതകം ചോർന്നതിനെ തുടർന്ന് മൂന്ന് പേർ മരിച്ചു.
- 12.07.2018: ആന്ധ്രാപ്രദേശിലെ അനന്തപുരം ജില്ലയിലെ സ്റ്റീൽ യൂണിറ്റിൽ വിഷ വാതകം ചോർന്നതിനെ തുടർന്ന് ആറ് തൊഴിലാളികൾ മരിച്ചു.
- 03.12.2018: മഹാരാഷ്ട്രയിലെ രത്‌നഗിരി ജില്ലയിലെ കെമിക്കൽ പ്ലാന്‍റിൽ നിന്ന് ചോർന്ന അമോണിയ വാതകം ശ്വസിച്ച് 14 പേരെ ആശുപത്രിയിൽ പ്രവേശിപ്പിച്ചു.
- 12.05.2019: മഹാരാഷ്ട്രയിലെ താരാപൂരിലെ കെമിക്കൽ യൂണിറ്റിൽ നിന്ന് വിഷവാതകം ശ്വസിച്ച് സൂപ്പർവൈസർ ഉൾപ്പെടെ മൂന്ന് ജീവനക്കാർ മരിച്ചു.
- 06.02.2020: യുപിയിലെ സീതാപൂർ ജില്ലയിലെ കെമിക്കൽ ഫാക്ടറിയിൽ നിന്ന് വിഷവാതകം ചോർന്നതിനെ തുടർന്ന് മൂന്ന് കുട്ടികളടക്കം ഏഴ് പേർ മരിച്ചു.
