ന്യൂഡല്‍ഹി: ഡല്‍ഹി നിയമസഭ തെരഞ്ഞെടുപ്പിനോടനുബന്ധിച്ച് മൈഥിലി ഭാഷാ വിഭാഗക്കാരോട് വോട്ടഭ്യര്‍ഥിച്ച് ബി.ജെ.പി പ്രസിഡന്‍റ് ജെ.പി നദ്ദ. ഫെബ്രുവരി 8ന് നടക്കുന്ന തെരഞ്ഞെടുപ്പില്‍ 40 ലക്ഷം വോട്ടര്‍മാരാണ് ഡല്‍ഹിയില്‍ സമ്മതിദാനാവകാശം വിനിയോഗിക്കുന്നത്. തലസ്ഥാനത്തെ കോപ്പര്‍ നിക്കസ് മാര്‍ഗില്‍ രാജ്യസഭാംഗം പ്രഭാത് ജാ യുടെ വസതിയില്‍ സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം. കുടിവെള്ള വിതരണവുമായി ബന്ധപ്പെട്ട് ഗുരുതര ആക്ഷേപങ്ങളാണ് മുഖ്യമന്ത്രി കെജ്‌രിവാളിനെതിരെ രാഷ്‌ട്രീയ ആയുധമായി ജെ.പി നദ്ദ തെരഞ്ഞെടുപ്പ് പ്രചാരണങ്ങളില്‍ ഉന്നയിക്കുന്നത്.
തെരഞ്ഞെടുപ്പ് വാഗ്‌ദാനങ്ങള്‍ നല്‍കി ജനങ്ങളുടെ കണ്ണില്‍ പൊടിയിടുന്ന രാഷ്‌ട്രീയ തന്ത്രമാണ് കെജ്‌രിവാള്‍ ഉപയോഗിക്കുന്നതെന്ന് ജെ.പി നദ്ദ ആരോപിച്ചു. ബി.ജെ.പിയെ വോട്ട് ചെയ്‌ത് വിജയിപ്പിക്കാന്‍ മൈഥിലി ഭാഷാ വിഭാഗക്കാരോട് ദേശീയ വൈസ് പ്രസിഡന്‍റ് പ്രഭാത് ജാ അഭ്യര്‍ഥിച്ചു.
