ന്യൂഡൽഹി: മതങ്ങൾ ആസ്വദിക്കുന്ന ചരിത്രപരമായ സ്വയംഭരണം ബ്രിട്ടീഷുകാർ തകർത്തെറിഞ്ഞതാണെങ്കിലും സ്വതന്ത്ര ഇന്ത്യയിൽ സ്ഥിതി വഷളായതായി ജൈനാചാര്യ യുഗഭുഷൺസുരി. ശബരിമല കേസിനെ പരാമര്‍ശിച്ച് ചീഫ് ജസ്റ്റിസിനയച്ച തുറന്ന കത്തിലാണ് ഇക്കാര്യം പറഞ്ഞിരിക്കുന്നത്.
ഭരണകൂടത്തിൽ മതത്തിന്‍റെ ഇടപെടൽ ശക്തമാണെന്നും ജൈനാചാര്യ പറഞ്ഞു. സ്വാതന്ത്ര്യാനന്തരം ഭരണഘടനാ അസംബ്ലി ഏകപക്ഷീയമായി മതങ്ങളുടെ മേൽ അധികാരം ഏറ്റെടുക്കുകയും എല്ലാ മത മേധാവികളോടും ആലോചിക്കാതെ ആർട്ടിക്കിൾ 25, 26 എന്നിവ രൂപപ്പെടുത്തുകയും ചെയ്തു. ആർട്ടിക്കിൾ 25, 26 എന്നിവ മൗലിക മത അവകാശങ്ങൾ സംരക്ഷിക്കുന്നതിനായിരുന്നുവെങ്കിലും അവ നിരവധി നിയന്ത്രണങ്ങൾ ഏര്‍പ്പെടുത്തി. മതപരമായ അവകാശങ്ങളുടെ വ്യാപ്തി ഗണ്യമായി കുറച്ചതിന്‍റെ ഉദാഹരണമാണ് ശബരിമല വിധിയെന്നും അദ്ദേഹം കത്തില്‍ വ്യക്തമാക്കി.
