ന്യൂഡൽഹി: ഇന്ത്യയും വിയറ്റ്നാമും തമ്മിലുള്ള നയതന്ത്രബന്ധം മികച്ചരീതിയിൽ മുന്നോട്ട് പോകുന്നതായും ഇന്തോ-പസഫിക് മേഖലയിൽ സമാധാനം, സുരക്ഷ എന്നിവ ഉറപ്പാക്കുമെന്നും വിദേശകാര്യ മന്ത്രി എസ് ജയ്‌ശങ്കർ പറഞ്ഞു. പതിനേഴാമത് ഇന്ത്യ-വിയറ്റ്നാം സംയുക്ത യോഗം സമാപിച്ചതായും യോഗത്തിൽ പങ്കെടുത്ത ഉന്നത വ്യക്തികൾക്ക് നന്ദി അറിയിക്കുന്നുവെന്നും മന്ത്രി എസ് ജയ്‌ശങ്കർ ട്വിറ്ററിൽ കുറിച്ചു.
യോഗത്തിൽ പ്രാദേശിക, അന്തർദേശീയ പ്രശ്നങ്ങളെക്കുറിച്ച് അഭിപ്രായങ്ങൾ പങ്കുവച്ചതായി വിയറ്റ്നാം വിദേശകാര്യ മന്ത്രി ഫെയിം ബിൻ മിൻ ട്വീറ്റ് ചെയ്തു.
