ന്യൂഡല്‍ഹി: ഇന്ത്യയില്‍ കൊവിഡ് സ്ഥിരീകരിച്ചവരുടെ എണ്ണം 42,533 ആയി. മരണസംഖ്യ 1,373 ആയതായി ആരോഗ്യ മന്ത്രാലയം അറിയിച്ചു. കഴിഞ്ഞ 24 മണിക്കൂറിനിടയിൽ 2,553 പേർക്ക് പുതിയതായി രോഗം സ്ഥിരീകരിച്ചു. 72 പേർ മരിച്ചു. നിലവിൽ 29,453 പേരാണ് ചികിത്സയിലുള്ളത്. 11,706 പേര്‍ രോഗമുക്തി നേടി.
ഏറ്റവുമധികം പേർക്ക് രോഗം കണ്ടെത്തിയ മഹാരാഷ്ട്രയിൽ 12,974 പേര്‍ക്കാണ് രോഗം സ്ഥിരീകരിച്ചിട്ടുള്ളത്. ഗുജറാത്തിൽ 5,428 കേസുകളും ഡല്‍ഹിയിൽ 4,549 കേസുകളും റിപ്പോർട്ട് ചെയ്‌തിട്ടുണ്ട്. കൊവിഡ് വ്യാപനത്തെ തടയാൻ മെയ് 17 വരെയാണ് രാജ്യത്ത് ലോക്ക് ഡൗൺ പ്രഖ്യാപിച്ചിരിക്കുന്നത്.
