ന്യൂഡല്‍ഹി: പുതുവത്സരാശംസകള്‍ നേര്‍ന്ന് ഇന്ത്യയുടെ വ്യോമസേന. ട്വിറ്ററിലൂടെ പുറത്തുവിട്ട രണ്ടുമിനിറ്റിലേറെ ദൈര്‍ഘ്യമുള്ള വീഡിയോയിലൂടെയാണ് വേറിട്ടരീതിയില്‍ വ്യോമസേന പുതുവത്സരാശംസകള്‍ നേര്‍ന്നത്.
വീഡിയോയില്‍ സുഖോയ്-30, റഫാല്‍ യുദ്ധവിമാനങ്ങളുടെ വ്യോമാഭ്യാസ പ്രകടനങ്ങളും ഉള്‍ക്കൊള്ളിച്ചിരിക്കുന്നു.
'രാജ്യത്തോടുള്ള സ്‌നേഹം ശത്രുക്കളെ തോല്‍പ്പിക്കുന്നതിലേക്ക് ഭയത്തെ തിരിച്ചുവിട്ടു. രാജ്യത്തിന് വേണ്ടി പോരാടുമ്പോള്‍ കൊടുങ്കാറ്റുകളുടെ തീവ്രത കുറഞ്ഞിരിക്കുന്നു, കാരണം ഞാന്‍ ഒരു ഇന്ത്യന്‍ വ്യോമസേന സൈനികനാണ്. എന്‍റെ ഒരു കണ്ണ് എല്ലായ്‌പ്പോയും ആകാശത്തെ ശത്രുക്കളിലാണ്'- വീഡിയോയില്‍ പറയുന്നു.
അതിദുര്‍ഘടമായ മേഖലകളില്‍ പരിശീലനം നടത്തുന്ന സൈനികരുടെ ദൃശ്യങ്ങളും വീഡിയോയില്‍ കാണാം. ഒരു ഇന്ത്യന്‍ വ്യോമസേന സൈനികന്‍ എന്നത് ഒരു തുടക്കമാണ്, ഒരിക്കലും അവസാനമല്ലെന്നും പറഞ്ഞാണ് വീഡിയോ അവസാനിക്കുന്നത്.
