അഹമ്മദാബാദ്: ഹിന്ദു സമാജ് പാർട്ടി നേതാവും ഹിന്ദു മഹാ സഭാ മുൻ അധ്യക്ഷനുമായ കമലേഷ് തിവാരിയുടെ കൊലപാതകത്തിൽ മുഖ്യ പ്രതികൾ അറസ്റ്റിൽ. അഷ്‌ഫാഖ് ,മൊയ്‌നുദീന്‍ പത്താന്‍ എന്നിവരാണ് അറസ്റ്റിലായത്. രാജസ്ഥാൻ-ഗുജറാത്ത് അതിർത്തിയിൽ നിന്നാണ് ഇരുവരെയും തീവ്രവാദ വിരുദ്ധ സേന അറസ്റ്റ് ചെയ്തത്. ഇവരുമായി നിരന്തരം ബന്ധപ്പെട്ടിരുന്ന സെയ്‌ദ് അസിം അലി കഴിഞ്ഞ ദിവസം പിടിയിലായിരുന്നു. ഇയാൾക്കും കൊലപാതകത്തിൽ പങ്കുണ്ടെന്ന് പൊലീസ് വ്യക്തമാക്കി.
കമലേഷ് തിവാരിയുടെ വീടിന് അടുത്തുള്ള ഹോട്ടലില്‍ ആണ് പ്രതികള്‍ താമസിച്ചിരുന്നത്. ഇവരുടെ മുറിയില്‍ നിന്നും രക്തം പുരണ്ട വസ്ത്രങ്ങളും കത്തിയും പോലീസ് കണ്ടെടുത്തിട്ടുണ്ട്. സ്വന്തം പേരും വിലാസവും ഉപയോഗിച്ചാണ് ഇവര്‍ മുറി ബുക്ക് ചെയ്‌തിരിക്കുന്നതെന്നും പൊലീസ് വ്യക്തമാക്കി.
