കൊവിഡ് കാലത്ത് പുതിയ ആശയവുമായി ഗൂഗിൾ ഇന്ത്യ രംഗത്ത്. 'യൂട്യൂബ് ലേണിങ് ഡെസ്റ്റിനേഷൻ' എന്ന യൂട്യൂബ് ചാനൽ വഴി കുട്ടികൾക്കും മാതാപിതാക്കൾക്കും അധ്യാപകർക്കും ഇനി മുതൽ വീട്ടിൽ ഇരുന്ന് പഠിക്കാം.
വളരെ ഉപകാരപ്രദവും ഉയർന്ന നിലവാരവുമുള്ള ഒരു പഠന പ്ലാന്‍റ് ഫോം ആണ് യൂട്യൂബ് ലേണിങ് ഡെസ്റ്റിനേഷൻ. നിലവിൽ ഇംഗ്ലീഷിലും ഹിന്ദിയിലുമാണ് സേവനം ലഭ്യക്കുക. എന്നാൽ എത്രയും വേഗം തമിഴ്, തെലുങ്ക്, ബംഗാളി, മറാത്തി തുടങ്ങി എല്ലാ ഇന്ത്യൻ ഭാഷകളിലും സേവനം ലഭ്യമാക്കാൻ സാധിക്കുമെന്ന് യൂട്യൂബ് അറിയിച്ചു.
'ടീച്ച് ഫ്രം ഹോം' ഹബ് വഴി പരിശീലനവും ഗൂഗിൾ ഇന്ത്യ നൽകുന്നുണ്ട്. ഇത് ഹിന്ദിയിലും ലഭ്യമാണ്. കൊവിഡ് കാലത്ത് കുട്ടികൾക്ക് വായിക്കാനാവശ്യമായ പുസ്തകങ്ങളും ഗുഗിൾ ഇന്ത്യ ഈ പ്ലാറ്റ് ഫോം വഴി ലഭ്യമാക്കുന്നുണ്ട്. ഇതിലൂടെ കുട്ടികളുടെ വായനാശീലം വളർത്തിയെടുക്കാൻ സാധിക്കും.
