മൊറീന: പൂവാലന്മാർ ശല്യം ചെയ്യുന്നത് എതിർത്ത പെൺകുട്ടിയെ വെടിവെച്ച് കൊന്നു. മധ്യപ്രദേശിലെ മൊറീന ജില്ലയിലാണ് സംഭവം. കോച്ചിംഗ് സെന്‍ററിൽ നിന്ന് വീട്ടിലേക്ക് മടങ്ങുകയായിരുന്ന പെൺകുട്ടിയെ മൂന്ന് ചെറുപ്പക്കാർ ചേർന്ന് ആക്രമിക്കുകയും പെൺകുട്ടിയെ വെടിവെച്ച് കൊല്ലുകയുമായിരുന്നു.
കോച്ചിംഗ് സെന്‍ററില്‍ നിന്ന് മടങ്ങിയ പെൺകുട്ടിയെ സംഘത്തിലുൾപ്പെട്ട യുവാവ് പിറകെ നടന്ന് ശല്യപ്പെടുത്തുകയായിരുന്നുവെന്ന് പൊലീസ് പറഞ്ഞു. ഇതിനെതിരെ പെൺകുട്ടി പ്രതികരിച്ചതാണ് അക്രമത്തിന് വഴിവെച്ചതെന്നും പൊലീസ് വ്യക്തമാക്കി . സംഭവത്തിന്‍റെ കൂടുതൽ വിവരങ്ങൾ പുറത്തുവന്നിട്ടില്ല.
