ദിസ്‌പൂര്‍: അസമിലെ ബിശ്വനാഥ് ജില്ലയില്‍ മൂന്ന് നഴ്‌സുമാരെ പീഡിപ്പിക്കാൻ ശ്രമിച്ച കേസില്‍ നാല് പേരെ അറസ്റ്റ് ചെയ്‌തു. ശനിയാഴ്‌ച രാത്രിയോടെ ഡഗാവോണിലെ പെട്രോൾ പമ്പിന് മുന്നിലായിരുന്നു സംഭവം. നഴ്‌സുമാര്‍ ഡ്യൂട്ടിക്ക് പോകുന്നതിനിടെ ആക്രമിക്കപ്പെടുകയായിരുന്നു.
പ്രതികളില്‍ ഒരാളെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു. മറ്റ് മൂന്ന് പേര്‍ സംഭവസ്ഥലത്ത് നിന്ന് ഓടിരക്ഷപ്പെട്ടിരുന്നു. ഞായറാഴ്‌ച രാവിലെ മൂവരെയും പൊലീസ് അറസ്റ്റ് ചെയ്‌തു. നഴ്‌സുമാർ ലഖിംപൂർ സ്വദേശികളാണ്. ബിശ്വനാഥ് ജില്ലയിലെ ആശുപത്രിയിലാണ് ഇവര്‍ ജോലി ചെയ്യുന്നത്.
