ഭോപ്പാൽ: മധ്യപ്രദേശിലെ സിംഗ്രൗളി ജില്ലയിൽ മിനി ലോറി മറിഞ്ഞ് നാല് പേർ മരിച്ചു. ഇന്ന് പുലർച്ചെ 2 മണിക്ക് ഉണ്ടായ അപകടത്തിൽ 15 പേർക്ക് പരിക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. പരിക്കേറ്റവരിൽ പത്ത് പേരുടെ നില ഗുരുതരമാണ്.
ജില്ലാ ആസ്ഥാനത്ത് നിന്നും 60 കിലോമീറ്റർ അകലെയുള്ള ഭാലയ്യ തോല ഗ്രാമത്തിലാണ് അപകടമുണ്ടായത്. അടുത്തുള്ള പ്രദേശത്ത് നിന്നും സ്വന്തം ഗ്രാമത്തിലേക്ക് മടങ്ങിവരുമ്പോഴായിരുന്നു മിനിലോറി മറിഞ്ഞത്. വാഹനം നിയന്ത്രണം വിട്ട് മറിയുകയായിരുന്നുവെന്ന് പൊലീസ് അറിയിച്ചു. അടുത്തിടെയായി സമീപപ്രദേശങ്ങളിൽ വാഹനാപകടമുണ്ടാകുന്നത് വർധിച്ചു വരികയാണ്.
