ലഖ്‌നൗ: പച്ചക്കറി ചന്തയുടെ സമയം മാറ്റിയതിനെതിരെ വാരണാസിയിൽ കർഷകരുടെ പ്രതിഷേധം. പച്ചക്കറികൾ റോഡിലേക്ക് എറിഞ്ഞാണ് കർഷകർ പ്രതിഷേധിച്ചത്. പുനക്രമീകരിച്ചിരിക്കുന്ന സമയം ഉചിതമല്ലെന്നും പഴയ സമയത്തിൽ തന്നെ പച്ചക്കറി ചന്ത പ്രവർത്തിക്കണമെന്നുമാണ് കർഷകരുടെ ആവശ്യം.
പച്ചക്കറി ചന്ത പ്രവർത്തിക്കാൻ പഴയ സമയം വേണം; കർഷകർ പ്രതിഷേധത്തിൽ
കൊവിഡ് 19 പ്രതിസന്ധി കണക്കിലെടുത്ത് താൽകാലികമായാണ് സമയത്തിൽ മാറ്റം വകുത്തിയിരിക്കുന്നതെന്ന് സ്ഥലത്തെത്തിയ സർക്കാർ ഉദ്യോഗസ്ഥർ പറഞ്ഞു. എല്ലാ കർഷകരും സഹകരിക്കണമെന്നും ഉദ്യോഗസ്ഥർ അഭ്യർഥിച്ചു. പ്രശ്നത്തിൽ ഉടൻ പരിഹാരം കണ്ടെത്തുമെന്ന് അറിയിച്ചതിനെ തുടർന്ന് പ്രതിഷേധക്കാര്‍ പിരിഞ്ഞ് പോയി.
